| e-texts navigator |
| Wylie |
207b1 སྐུ་གསུང་ཐུགས་རྡོ་རྗེ་རྣམ་པར་དག་པ་རྒྱ་ཆད་ཕྱོགས་ལྷུང་ཚད་ལས་འདས་པ། རང་བྱུང་འོད་ཀྱི་གཞལ་ཡས་ཁང་། ཆོས་ཉིད་ཀྱི་མཁའ། དབྱིངས་ཉིད་ཀྱི་ཀློང་། སེམས་ཉིད་ཀྱི་གནས་འབྱམས་ཀླས་པ་ན། སྟོན་པ
207b2 རིག་སྟོང་ཀུན་ཏུ་བཟང་པོ་ཉིད། མ་བཅོས་སྤྲོས་བྲལ་བྱང་ཆུབ་སྙིང་པོའི་ངང་ལ་རང་ཤར་ཏེ། ཞལ་ཕྱག་གི་རྣམ་པར་བཞེངས་ནས། སྔོན་དུ་བྱུང་བའི་འཁོར་ནི་ཉིད་ཀྱི་ངོ་བོ་ཆོས་ཀྱི་སྐུ་དང་། ཉིད་ཀྱི་རང་བཞིན
207b3 ལོངས་སྤྱོད་རྫོགས་པའི་སྐུ་དང་། ཉིད་ཀྱི་ཐུགས་རྗེ་སྤྲུལ་པའི་སྐུ་དང་། ཞི་ཁྲོའི་སངས་རྒྱས་དཔག་ཏུ་མེད་པ་དང་། ཁྱད་པར་སྐུའི་འཁོར་རྡོ་རྗེའི་རིགས་དང་། རིན་ཆེན་རིགས་དང་། པདྨའི་རིགས་དང་། ལས་ཀྱི
207b4 རིགས་དང་། བདེ་གཤེགས་རིགས་དང་། སངས་རྒྱས་དང་། ཆོས་དང་། དགེ་འདུན་དང་། བྱང་ཆུབ་སེམས་དཔའ་དང་། ས་ཆུ་མེ་རླུང་ནམ་མཁའ་དང་། འདོད་ཁམས་དང་། གཟུགས་ཁམས་དང་། གཟུགས་མེད
207b5 པའི་ཁམས་དང་། ཤིན་ཏུ་རྣལ་འབྱོར་དང་། ཡོངས་སུ་རྣལ་འབྱོར། རྣལ་འབྱོར་ཆེན་པོ་དང་། སེམས་དཔའི་རྣལ་འབྱོར་དང་། འདས་པ་དང་། མ་འོངས་པ་དང་། ད་ལྟར་བ་དང་། དག་པ་དང་། མ་དག་པ་དང་།
207b6 སྐུར་ཅན་དང་། ཕྱི་བའི་འཁོར་ཕྱི་དང་། དབང་ཕྱུག་ཆེན་པོ་དང་། མུ་སྟེགས་དང་། མུར་ཐུག་དང་། རྒྱང་འཕེན་དང་། ལྷ་དང་། ལྷ་མ་ཡིན་དང་། མི་དང་དྲི་ཟ་དང་བཅས་པའོ།། གསུང་གི་འཁོར་ནི། ཉན་ཐོས་དང་།
iiif viewer powered by OpenSeadragon
