| e-texts navigator |
| Wylie |
207a1 ཀྱི་མཛོད། ངེས་དོན་ཐམས་ཅད་ཀྱི་རྒྱ་མཚོ།། ཐེག་པ་ཐམས་ཅད་ཀྱི་སྤྱི་ཕུད། བལྟ་བ་ཐམས་ཅད་ཀྱི་ཡང་རྩེ།། རྒྱལ་བ་ཐམས་ཅད་ཀྱི་ཡབ། རྣལ་འབྱོར་པ་ཐམས་ཅད་ཀྱི་ཡུམ། བསྟན་པ་ཐམས་ཅད་ཀྱི
207a2 བུ་གཅིག་པ། ཏནྟྲ་འབུམ་ཕྲག་དྲུག་ཅུ་རྩ་བཞིའི་བཅུད། གསང་བ་བས་ཀྱང་ཡང་གསང་བ། ཀུན་ཏུ་བཟང་པོ་མ་འཁྲུལ་པའི་དགོངས་པ། གཞིའི་འདུག་ཚུལ་འཁོར་བ་དོང་སྦུགས་སུ་སྟོན་པ། ཕྱི་ནང་གསང་བ་གསུམ
207a3 གྱི་ཡང་ཞུན། བླ་ན་མེད་པའི་ཐིག་ལེའི་དགོངས་པ། ལོག་པར་བལྟ་བ་ཐམས་ཅད་ཀྱི་གཉེན་པོ། མ་རིག་པ་ཐམས་ཅད་ཀྱི་མུན་པ་སེལ་བ། ཡེ་ཤེས་ཀྱི་སྣང་བ་ཐམས་ཅད་སྐྱེད་པ། རྣམ་རྟོག་དྲ་བ་ཐམས་ཅད་གཅོད
207a4 པ། ཕྱོགས་གཅིག་ཏུ་རྒྱ་ཆད་པ་མེད་པར་སྟོན་པ། སྣང་བ་མི་འགག་ལ་གཉིས་སུ་མེད་པར་ཤར་གྲོལ་དུ་སྟོན་པ། མ་འདྲེས་ལ་ཡོངས་སུ་རྫོགས་པ། སྣང་ཚུལ་ཅིར་ཡང་སྣང་བ། ཡིན་ཚུལ་ངེས་པ་མེད་པར་སྟོན་པ།
207a5 ཀུན་དང་བྲལ་ཅིང་ཅི་ཡང་མ་སྤངས་པ། མཐའ་བཞི་མ་འགགས་མུ་བཞི་རང་གྲོལ་བ། ཉམས་མི་ང་བ་བལྟ་བའི་གདེང་དུ་སྟོན་པ། འཛིན་པ་མེད་པ་བསྒོམ་པའི་གདེང་དུ་སྟོན་པ། བླང་དོར་མེད་པ་སྤྱོད་པའི་གདེང་དུ
207a6 སྟོན་པ། སྤང་ཐོབ་མེད་པ་འབྲས་བུའི་གདེང་དུ་སྟོན་པ། དངོས་པོ་ཐམས་ཅད་རང་གྲོལ་དུ་གཏན་ལ་འབེབས་པར་བྱེད་པ་འདི་ཉིད། ཆོས་ཉིད་གྲག་སྟོང་དུ་ཐོས་པའི་དུས་གཅིག་ན། གནས་འོག་མིན་ཆོས་ཀྱི་ཕོ་བྲང
iiif viewer powered by OpenSeadragon
