| e-texts navigator |
| Wylie |
206b1 བློ།། བག་ཡངས་སྤྱོད་པ་གསང་བ་ཐུབ།། དབང་པོ་སྐྱོན་མེད་ཡན་ལག་བདེ།། ལུས་དྲང་ཁམས་བཟང་ཉམས་སུ་ལེན།། གཞན་གྱིས་མི་འགྱུར་གཅིག་ལ་གདམས། ཁ་གཅིག་གཏིང་གཅིག་བྱིས་པའི་སྤྱོད།། དེ་འདྲའི
206b2 སྐལ་ལྡན་བུ་ཡིས་སྤྱོད།། ཅེས་གསུངས་སོ།། དེ་ནས་སྟོན་པ་ཉིད་མྱ་ངན་ལས་འདས་སོ།། ལག་ན་རྡོ་རྗེ་ལ་སོགས་པ་འདུས་པ་རྣམས་རྗེས་སུ་ཡི་རང་ནས་མངོན་པར་བསྟོད་དོ།། སྐུ་གསུང་ཐུགས་རྡོ་རྗེ་རྩ་བ་ཐམས
206b3 ཅད་རྫོགས་པའི་རྒྱུད་ལས་ཡོངས་སུ་གཏད་པའི་ལེའུ་སྟེ་སོ་ལྔ་པའོ།། །། རྫོགས་སོ།། །། ཨུ་རྒྱན་གྱི་སློབ་དཔོན་པདྨ་དང་། བོད་ཀྱི་དགེ་སློང་ནམ་མཁའི་སྙིང་པོས་བསྐུར་ཅིང་གཏན་ལ་ཕབ
206b4 པའོ།། །། རྒྱ་རྒྱ་རྒྱ། ཨ་རྒྱལ་བྱ་ཕྲ། གླཿ། @#།། རྒྱ་གར་སྐད་དུ། དྷརྨ་སརྦ་བྷེ་ལ་ཨ་ཏི་ཏི་ལ། བོད་སྐད་དུ། ཆོས་ཐམས་ཅད་ཀྱི་དོན་སྟོན་པ་རྫོགས་ཆེན་ཐིག་ལེ་ཉག་གཅིག་ཡེ་ནས་བྱ་རྩོལ་བྲལ་བ། ཀ་དག་ལྡན
206b5 གྲུབ་མཉམ་ཉིད་ཕྱོགས་བྲལ་བརྡལ་ཁྱབ་ཆེན་པོའི་ཀློང་ལ་ཕྱག་འཚལ་ལོ།། ཏནྟྲ་རྒྱུད་ཐམས་ཅད་ཀྱི་རྒྱལ་པོ། འདུས་པ་ལུང་ཐམས་ཅད་ཀྱི་སྤྱི་འགྲེལ། གསང་བ་མན་ངག་ཐམས་ཅད་ཀྱི་ངེས་དོན། ཐེག་པ་ཐམས
206b6 ཅད་ཀྱི་ཡང་རྩེ། བསྟན་པ་ཐམས་ཅད་ཀྱི་འབྱུང་གནས། གསུང་རབས་མ་ལུས་པའི་སྙིང་ཁུ། དགོངས་པ་ཐམས་ཅད་ཀྱི་ཞེ་ཕུགས། ཆོས་ཐམས་ཅད་ཀྱི་མེ་ལོང་། དོན་ཐམས་ཅད་ཀྱི་མཇུག་སྡུད། ངོ་སྤྲོད་ཐམས་ཅད
iiif viewer powered by OpenSeadragon
