| e-texts navigator |
| Wylie |
204b1 ལུགས་སྙིང་པོ་བཞི་སྐོར་ཡིན།། འདའ་བའི་ས་མེད་དམ་ཚིག་མཆོག། སྙིང་པོའི་དཀྱིལ་ལ་བཞི་སྐོར་འཁོར།། དཀྱིལ་འཁོར་འཕྲོས་པས་དཀྱིལ་འཁོར་མཆོག། གཉིས་སུ་མེད་པ་མཆོད་པའི་མཆོག། རྣལ་མར་རྟོགས
204b2 པས་རྣལ་འབྱོར་མཆོག། ཀུན་ལ་བསྔགས་པས་གསང་སྔགས་ཡིན།། ཀུན་གྱི་ལས་རྫོགས་ཕྲིན་ལས་ཡིན།། མཚོན་ནས་བརྗོད་མེད་བསྒོམ་པ་ཡིན།། དེ་ལྟར་སྤྱོད་པས་སྤྱད་པ་ཡིན།། རང་ངོ་རང་ཤེས་ལྷ་དང
204b3 མཇལ།། ཆོས་སྐུ་འབྲས་བུ་ལྷ་ཡི་མཆོག། ཅེས་གསུངས་སོ།། སྐུ་གསུང་ཐུགས་ཀྱི་རྒྱུད་ལས། ཐམས་ཅད་འབྲེལ་པ་རྫོགས་ཚུལ་གྱི་ལེའུ་སྟེ་སོ་གསུམ་པའོ།། །། དེ་ནས་ཡང་ལག་ན་རྡོ་རྗེས་རྡོ་རྗེ་འཆང་ལ
204b4 འདི་སྐད་གསོལ། ཀྱེ་ཀྱེ་རྡོ་རྗེ་ཆོས་ཀྱི་སྐུ།། རྒྱུད་ཆེན་འདི་ཡི་དཔེ་ནི་གང་།། དེ་ལ་མཚན་དུ་ཇི་སྐད་གཟུང་།། དུས་ཚོད་གང་དུ་དར་བར་བྱེད།། ཅེས་གསོལ་པས།། རྡོ་རྗེ་ཆོས་སྐུས་བཀའ་སྩལ་པ།། ཉོན་ཅིག་རིག
204b5 འཛིན་རྡོ་རྗེ་འཛིན།། རྡོ་རྗེ་ཕོ་མོ་འདུས་པའི་ཚོགས།། ང་ཡི་རྒྱུད་ཆེན་ཀུན་ཡངས་འདིར།། དཔེར་ན་ནམ་མཁའ་ཇི་བཞིན་ཏེ།། ཕྱོགས་བཅུ་མི་དམིགས་ཕྱོགས་བཅུའི་གཞི། ཁ་དོག་མ་ཡིན་ཁ་དོག་གཞི།། དཔེར་ན
204b6 ནམ་མཁའ་ཆེན་པོ་འདྲ།། དཔེར་ན་ཆུ་ཡི་རྒྱ་མཚོ་འདྲ།། དཔེར་ན་རིན་ཆེན་གསེར་དང་འདྲ།། དཔེར་ན་ནོར་བུ་རིན་ཆེན་འདྲ།། དཔེར་ན་མུན་པ་ཉི་མ་འདྲ།། དཔེར་ན་སྐྱེ་འཁྲུངས་ས་དང་འདྲ།། དཔེར་ན་དྲ་བ་མིག།
iiif viewer powered by OpenSeadragon
