| e-texts navigator |
| Wylie |
201b1 པར་གཏང་།། ལོ་དང་ལོ་དུས་རི་ལུ་བཟའ།། ཅོང་ཟི་ཆུ་བ་འོ་མ་གྲོགས། སྟོང་ཉིད་ལྟ་བསྒོམ་གསང་སྔགས་བཟླས། ཁམ་ཟས་སྤངས་པས་ཆོག་པ་སྟེ།། དྲག་ཤུལ་མི་བྱ་ཤེས་པ་བསྒྲིབ།། ཡིད་དང་ངག་གིས་བརྩོན
201b2 འགྲུས་བྱ།། ཚེ་ལོ་དཔག་ཏུ་མེད་པ་ཐུབ།། བཅུད་མཆོག་བདུད་རྩི་མར་ཁུ་འདི།། ལོ་གཅིག་ཟོས་པས་ལོ་བརྒྱ་ཐུབ།། ལོངས་སྤྱོད་ནོར་གྱི་བདག་པོར་འགྱུར།། ལོ་གསུམ་ཟོས་ན་སུམ་བརྒྱ་ཐུབ།། གླིང་གཅིག་ནོར་ལ
201b3 དབང་བྱེད་འགྱུར།། ལོ་བཞི་ཟོས་ན་མ་མོ་དང་།། མཁའ་འགྲོ་མ་ཡིས་གྲོགས་བྱེད་དེ།། མི་མོ་རྣམས་ལ་དབང་བྱེད་འགྱུར།། ལོ་ལྔ་ཟོས་ན་སྐྱེས་པ་འདུ།། རྒྱལ་པོའི་རྒྱལ་སྲིད་སྟེར་བར་འགྱུར།། ལོ་དྲུག་ལོ་བདུན
201b4 ཟོས་པས་ནི།། འོག་གི་ཀླུ་ལ་དབང་བྱེད་འགྱུར།། ལོ་བརྒྱད་ལོ་དགུ་འདི་ཟོས་ན།། དུག་དང་དུག་གིས་ཚུགས་མེད་འགྱུར།། ལོ་བཅུར་ཟོས་ན་མཚོན་དང་མེ།། བསད་པས་མི་སོད་ཚེ་ལ་དབང་།། མི་མེད་རི་དྭགས
201b5 ཝ་སྦྱང་བྱ།། མི་རྒོད་ས་གཅིང་གནས་པ་ཡིན།། གཞུང་དང་ཚུལ་དུ་འདི་བསྒྲུབས་ན།། ངེས་པར་ཚེ་ཡི་རིག་འཛིན་འཐོབ།། ཅེས་གསུངས་སོ།། སྐུ་གསུང་ཐུགས་ཀྱི་རྒྱུད་ལས། བདུད་རྩི་ཚེ་སྒྲུབ་བཅུད་ལེན་གྱི་ལེའུ་སྟེ
201b6 སུམ་ཅུ་པའོ།། །། དེ་ནས་ཡང་བཀའ་སྩལ་པ། ཉོན་ཅིག་རྡོ་རྗེ་འཛིན་པ་ཆེ།། གདུག་པ་ཀླུ་དང་འགྲས་པའི་མིས།། འཛེ་འཕྲོ་གཅད་པ་ཚུར་ལོག་པས།། བདུད་རྩི་མར་ཁུ་བདུད་རྩིར་སྦྱར།། གུ་གུལ་ཚིལ་ཆེན
iiif viewer powered by OpenSeadragon
