| e-texts navigator |
| Wylie |
201a1 མཆོད་པ་བྱ།། བདུད་རྩི་མར་ཁུ་རིན་ཆེན་སྣོད།། ལོ་འམ་ཟླ་བའི་ཞག་གྲངས་སུ།། གཞན་ལ་མི་བསྟན་གསང་བར་བྱ།། དངོས་གྲུབ་མི་ཡལ་དམ་ཚིག་ཡིན།། ཅེས་གསུངས་སོ།། སྐུ་གསུང་ཐུགས་ཀྱི
201a2 རྒྱུད་ལས། རྫས་བསག་ཅིང་བདུད་རྩིར་བཞུ་བའི་ལེའུ་སྟེ་ཉེར་དགུ་པའོ།། །། དེ་ནས་ལག་ན་རྡོ་རྗེ་སྟན་ལས་ལངས་ནས། གཙོ་བོའི་མདུན་དུ་འདུག་གདོང་དུ་བལྟས་ནས་མིག་མི་འཛུམ་པར་ཐལ་མོ་སྦྱར་ཏེ
201a3 གུས་པར་བཏུད་ནས་འདི་སྐད་ཅེས་གསོལ་ཏོ།། ཀྱེ་ཀྱེ་སྟོན་པ་རྡོ་རྗེ་འཆང་།། བདུད་རྩི་མར་ཁུ་དེ་ལ་ནི།། ཡོན་ཏན་ཇི་ཙམ་འབྱུང་བ་ལགས།། གྲོགས་སུ་གང་དང་སྦྱོར་བར་བྱ།། ཞེས་གསོལ་པས། རྡོ་རྗེ་འཆང་གིས
201a4 བཀའ་སྩལ་པ།། ཉོན་ཅིག་རྡོ་རྗེ་འཛིན་པ་ཁྱོད།། བདུད་རྩི་མར་ཁུ་བཟའ་བར་བྱ།། ཚེ་དང་བསོད་ནམས་འཕེལ་བ་དང་།། འབྱུང་བ་སྙོམས་ནས་ལུས་བདེ་སྟེ།། བགེགས་ཀྱིས་མི་ཚུགས་རིམས་མི་འོང་།། འགྲོ་བ
201a5 རྣམས་ཀྱི་མགོན་དུ་གྱུར།། ཀུན་ལ་ཕན་ཐོགས་ནོར་བུ་འདྲ།། གནོད་པས་མི་ཚུགས་ནམ་མཁའ་འདྲ།། འཆི་བས་འཇིགས་པས་ཚེ་བསྒྲུབ་སྟེ།། བདུད་རྩི་མར་ཁུ་བྲེ་རེ་ལ།། ཞུན་ཆེན་བྲེ་རེ་རྩ་བའི་ཕྲད།། མར་རྙིང་བྲེ
201a6 རེ་དེ་བཞིན་ཕྲད།། ཨ་རུ་ར་སྟོང་བ་རུ་སྒྱུར།། རྡོག་པོ་འགའ་འགའ་གྲོགས་སུ་གཏང་།། བཟང་པོ་དྲུག་ནི་བོང་དང་སྦྱར།། ཞིབ་པར་བཏགས་ཏེ་སྦྲུས་བྱས་ལ།། རིལ་བུ་མཐེ་བོང་རིལ་མ་ཙམ།། ཅོང་ཟི་ཆོས་སྨན་རྐང
iiif viewer powered by OpenSeadragon
