| e-texts navigator |
| Wylie |
200a1 རྗེའི་གཡང་ལ་ལྷུང་།། རང་སེམས་རྒྱ་ཆད་ཕྱོགས་ལྷུང་མེད།། རང་བྱུང་ཆོས་སྐུ་ཡེ་ནས་ཡིན།། ལྟ་བའི་རྫོང་ལ་སྤྱོད་པའི་འཕྲང་།། སྦྱོར་སྒྲོལ་ཕྱི་ནང་གསང་བ་གསུམ།། ཐབས་ཀྱི་རྫོང་དང་ཤེས་རབ
200a2 རྫོང་།། རིག་པ་རང་བྱུང་གཉིས་མེད་རྫོང་།། བསྐྱེད་པ་རྒྱུད་ཀྱི་རྫོང་དུ་ཤེས།། བསྙེན་བསྒྲུབ་ཆོ་ག་སྒྲུབ་པའི་ལམ།། སྦྱོར་སྒྲོལ་ཉམས་ལེན་སྤྱོད་པའི་འཕྲང་།། རྒྱུད་ཀྱི་ལུགས་སུ་མཁས་པས་སྤྱད།། དབྱིངས་ཀྱི་རྫོང
200a3 དང་ཡེ་ཤེས་རྫོང་།། ལུས་གཉིས་སྦྱོར་བའི་ཏིང་འཛིན་འཕྲང་།། སྒྲ་ལུས་འཕོ་ཤེས་རྫོང་འཕྲང་ནི།། རྫོགས་པ་ལུང་གི་རྫོབ་འཕྲང་ངོ་།། གནས་ལུགས་བཞི་སྐོར་རྫོགས་པའི་རྫོང་།། ཆོས་ཅན་གཅིག་ལ་ཆོས་ཀུན
200a4 རྫོང་།། མི་ཡེངས་མཉམ་གཞག་སྒོམ་པའི་འཕྲང་།། ཅིར་སྤྱད་རང་བྱུང་སྤྱོད་པའི་འཕྲང་།། མན་ངག་རྫོགས་ཆེན་རྫོང་འཕྲང་ཡིན།། གསང་བའི་དགྲ་གསུམ་བསད་པས་འཇིགས་པའི་བདུད་བཞི་ཆོམས།། འགྲོ་དྲུག
200a5 གཡང་ས་བཅད་པས་འདའ་དཀའི་འཕྲང་ལས་གྲོལ།། ཅེས་གསུངས་སོ།། སྐུ་གསུང་ཐུགས་ཀྱི་རྒྱུད་ལས། ཡོ་ག་གསུམ་གྱི་ལྟ་སྤྱོད་རྫོང་འཕྲང་དུ་བསྟན་པའི་ལེའུ་སྟེ་ཉེར་བརྒྱད་པའོ།། །། དེ་ནས་ཡང་བཀའ
200a6 སྩལ་པ། ཉོན་ཅིག་རྡོ་རྗེ་རིགས་ཀྱི་འཁོར།། སྲུང་བ་འཚོ་བྱེད་རྒྱལ་པོ་ནི།། རྣམ་རྒྱལ་ས་ཡི་བདུད་རྩིས་བྱ།། འབྱུང་འཁྲུགས་ནད་དང་རྐྱེན་བྱེད་བགེགས།། བྱང་ཆུབ་སྒྲུབ་པའི་གྲོགས་ཆེན་ཡིན།། དགེ་བཤེས་རྣལ
iiif viewer powered by OpenSeadragon
