| e-texts navigator |
| Wylie |
19b1 རུ།། གཤིན་རྗེ་རྣམས་ཀྱིས་བཞེས་སུ་གསོལ།། ཐོད་པ་ལིངྒ་ལ་སོགས་པ།། དམིགས་པའི་རྟེན་ཀུན་དྲངས་བྱས་ལ།། སྐྱེད་པོ་གསུམ་ལ་བསྐུར་བར་བྱའོ།། བདུད་རོག་ཏི་ནག་པོ་བྱ་རོག་མགོ་བརྩེགས་གསང་བ་སྒྲོལ
19b2 བྱེད་ཀྱི་རྒྱལ་པོ་ཀི་ཀང་རཀྵའི་མདོ་སྙིང་གཟེར་དྲག་པོའི་རྒྱུད་ཆེན་པོ་ལས། དཀྱིལ་འཁོར་བཅའ་གཞིའི་གསང་ཆེན་གནད་ཀྱི་ལེའུ་དྲུག་པའོ།། ། དེ་ནས་བཅོམ་ལྡན་གཤེད་ཆེན་གྱིས།། ལྔ་བརྒྱ་དུས་ཀྱི་ཐ
19b3 མའི་ཚེ།། སངས་རྒྱས་གཉེན་གྱི་བསྟན་པ་ལ།། འགལ་བྱེད་ཆམ་ལ་དབབ་པའི་ཕྱིར།། ཕུང་བྱེད་དཀྱིལ་འཁོར་སྤྱན་དྲངས་ཏེ།། ཆོས་དབྱིངས་མི་མངོན་རྣམ་དག་དབྱིངས་ཀྱི་ལྷ།། བསྟན་པ་རྒྱ་མཚོ་མ་ལུས་བསྲུང་བའི
19b4 ཕྱིར།། སྟོང་ཉིད་ངང་ལས་ཁྲོ་གཏུམ་སྐུར་བཞེངས་ཤིག། འཁོར་དང་བཅས་པས་སྤྱན་འདྲེན་གྱི།། གྲུ་གསུམ་མཐིང་ནག་རི་བོ་གསུམ་འདུས་པའི།། གནས་འདིར་སྤྱན་འདྲེན་ཚུལ་བཞིན་གཤེགས་སུ་གསོལ།། ཨོཾ་བུདྡྷ
19b5 དྷརྨ་སང་གེ་བྷྱཿ། ཀྲོ་ཏེ་བྷྱཿཱ་རལླ། བི་བ་སརྦ་བི་ས་ར་ཧཱུཾ་ཛ། དབྱིངས་དང་ཡེ་ཤེས་རོལ་པའི་དཀྱིལ་འཁོར་ནས།། གྲུ་གསུམ་མཐིང་ནག་ཨེ་ཡི་གནས་མཆོག་འདིར།། ཡ་མཱནྟ་ཀ་ཡབ་ཡུམ་གཤེགས་སུ་གསོལ།། ཞེ
19b6 སྡང་མེ་ལྟར་འབར་བའི་དཀྱིལ་འཁོར་ནས།། ཡཀྵ་ཛ་ལ་འབར་བ་གཤེགས་སུ་གསོལ།། འདོད་ཆགས་ཁྲག་མཚོ་ཁོལ་མའི་དཀྱིལ་འཁོར་ནས།། ཀླུ་མོ་རྡོ་རྗེ་གློག་འགྱུ་གཤེགས་སུ་གསོལ།། ཚང་སྐོང་རྒྱ་མཚོ་ཀློང
iiif viewer powered by OpenSeadragon
