| e-texts navigator |
| Wylie |
199a1 འཁྲུལ་པའི་འཕྲང་ལས་བསྐྱེད་པའོ།། དོན་དམ་ངོ་བོ་མ་སྐྱེས་ཀྱང་།། ཀུན་རྫོབ་ལྷ་ཡི་དཀྱིལ་འཁོར་དུ།། རིམ་གྱིས་བསྐྱེད་པ་མ་ཧཱ་ཡོ་ག་ཡིན།། ཀུན་གཞི་སྙིང་པོ་སེམས་ལ་རྫོགས།། རང་བཞིན་ལྷུན
199a2 གྱིས་གྲུབ་པའི་རྫོང་།། ལུང་མཆོག་མ་བཅོས་རང་བྱུང་ལུང་།། རྒྱ་ཆད་ཕྱོགས་ལྷུང་མེད་པར་རྫོགས།། སྤྱི་ས་ཀུན་གཞི་རྫོང་ཆེན་ལས།། འགྱུ་དྲན་འཛིན་ཆགས་འཕྲང་རྟོག་འཁྲུལ།། ཨ་ནུ་ཡོ་གའི་ལུང་ཞེས་བྱ།། སྙིང
199a3 པོའི་དོན་ལ་ཀུན་ཀ་རྫོགས།། བཅོས་དང་མ་བཅོས་གཉིས་ཀའི་རྫོང་།། ཕྱོགས་སུ་འདོད་པའི་འཕྲང་ལས་ཐར།། བསྐྱེད་དང་རྫོགས་པ་གཉིས་ཀའི་རྫོང་།། གོང་འོག་ཕྱོགས་འདོད་འཕྲང་ལས་ཐར།། རང་བྱུང་རྫོགས
199a4 ཆེན་འགྲན་མེད་རྫོང་།། རེ་ལྟོས་གྲུབ་པའི་འཕྲང་ལས་ཐར།། འགྲན་མེད་རྫོགས་པ་ཆེན་པོ་ཡིན།། ཡེ་ནས་ཤེས་ལ་བཅོས་པ་མེད།། ཅེས་གསུངས་སོ།། སྐུ་གསུང་ཐུགས་ཀྱི་རྒྱུད་ལས། ཡོ་ག་གསུམ་གྱི་རྫོགས་འཕྲང
199a5 གི་ལེའུ་སྟེ་ཉེར་བདུན་པའོ།། །། དེ་ནས་ཡང་བཀའ་སྩལ་པ། ཉོན་ཅིག་ལག་ན་རྡོ་རྗེ་འཛིན།། གསང་སྔགས་འབྲས་བུ་བླ་མེད་འདི།། ལྟ་སྤྱོད་གཉིས་སུ་ཤེས་པར་གྱིས།། བསྐྱེད་དང་རྫོགས་དང་རྫོགས་པ
199a6 ཆེ།། བསྐྱེད་པ་རྒྱུད་ཀྱི་ལྟ་བ་ནི།། ཐམས་ཅད་ཤེས་རབ་གཉིས་མེད་བལྟ།། སྐུ་གསུང་ཐུགས་དང་ཡོན་ཏན་དང་།། ཕྲིན་ལས་རྣམ་པ་ལྔ་རུ་སྤྱོད།། རྫོགས་པ་ལུང་གི་ལྟ་བ་ནི།། དབྱིངས་དང་ཡེ་ཤེས་གཉིས་མེད
iiif viewer powered by OpenSeadragon
