| e-texts navigator |
| Wylie |
198a1 དགུའོ།། སེམས་ཤར་རང་བྱུང་མ་བཅོས་པ།། རྒྱ་ཆད་ཕྱོགས་མེད་ལྷུན་གྲུབ་པ།། མཉམ་ཉིད་གཉིས་མེད་ངོས་མེད་དང་།། འགྱུར་མེད་ཆོས་སྐུ་ཆེན་པོ་ནི།། ནང་ལྟར་སྲོག་ནི་གཞི་ལ་དགུ།། རྣམ་ཤེས
198a2 དོན་སྟེར་མཐོང་བ་མེད།། ཡུལ་མེད་མིང་བྲལ་ཡིན་པ་མེད།། ཅི་ཡང་མ་ཡིན་མིན་པ་མེད།། ཡིན་པ་མེད་དང་སྤང་བླང་མེད།། ཤིན་ཏུ་གསང་བའི་སྲོག་ཐོབ་ཡིན།། ལྟ་བ་མཐོང་ན་སྒོམ་བྱེད་མཁན།། ལྟ་སྤྱོད་རང
198a3 སེམས་དངོས་སུ་སྤྱོད།། ནོར་བུ་རིན་ཆེན་འཆང་བ་འདྲ།། སྐུ་གསུང་ཐུགས་ཀྱི་རྒྱུད་ལས། སྒྲུབ་པ་དོན་པོ་དགུ་ཕྱི་ནང་གསང་བ་གསུམ་དུ་ཐོབ་པའི་ཚད་བསྟན་པའི་ལེའུ་སྟེ་ཉེར་ལྔ་པའོ།། །། དེ་ནས་སྟོན་པས
198a4 བཀའ་སྩལ་པ།། ཉོན་ཅིག་འདུས་པ་རྡོ་རྗེའི་འཁོར།། དེ་བཞིན་སྒྲུབ་པའི་ལས་བྱེད་པ།། ལོ་དང་ཟླ་བ་གཟའ་སྐར་ལ།། དུས་འཛོམ་དུས་ནི་བཟང་འཇུག་བྱ།། བྱི་ཕག་གཉིས་ནི་བསྡུས་པའི་ལོ།། སྟག་ཡོས་གཉིས་ནི
198a5 སྐྱེད་པའི་ལོ།། རྟ་སྦྲུལ་གཉིས་ནི་སྨོད་པའི་ལོ།། བྱ་སྦྲེལ་གཉིས་ནི་གཅོད་པའི་ལོ།། གླང་ལུག་ཁྱི་འབྲུག་གདུག་པའི་ལོ།། མ་བུ་དགྲ་གྲོགས་རང་གཤེད་བརྟག། ར་བ་འབྲིང་པོ་ཐ་ཆུང་སྟེ།། བསྙེན་བསྒྲུབ་ལས
198a6 གསུམ་མཁས་པས་འཇུག། འབོད་རྦད་བསད་གསུམ་འགྲུབ་པར་བྱེད།། རྒྱལ་བློན་ཁམས་དང་རྒྱུ་དུས་ཀྱི།། ཐེབས་ལྡོག་ལས་ཀུན་མཁས་པས་བརྟག། ཤར་ལྷོ་ནུབ་བྱང་སྐར་སྐོར་བདུན།། གང་ཚེས་ཉ་སྟོང་ལོ
iiif viewer powered by OpenSeadragon
