| e-texts navigator |
| Wylie |
17b1 འཁོར་བཅས་དབང་མཛོད་ཅིག། དེ་ནས་ས་ནི་སྦྱང་བྱ་བ།། ཁྲུ་གང་བརྐོས་ཏེ་གཏེར་སྩལ་ལ།། ས་ཡི་རོ་ལྔ་གང་བྱུང་ཡང་།། མི་སྒོ་དྲག་པོའི་དཀྱིལ་འཁོར་ནི།། ཁྲུ་ལྔ་པ་ཡི་ཚད་དུ་བྱ།། དྲི་དང་ལྡན་པའི་རྣམ་ལྔས
17b2 བྱུག། སྟེང་དུ་བདག་ཉིད་རབ་གནས་ལ།། གཟུང་ཞིང་གྱད་ཚུལ་རྔམ་སྟབས་ཀྱིས།། རྡོ་རྗེ་ཀེང་རུས་གཏམས་པ་དང་།། གྲུ་གསུམ་དྲག་པོའི་གནས་སུ་བརླབ།། དེ་ནས་དཀོན་མཆོག་འཁོར་བཅས་ལ།། མཆོད་སྦྱིན
17b3 རྒྱ་ཆེན་བསྔོ་བྱ་སྟེ།། ཕྱི་ནས་བསྐང་བཤགས་དྲག་ཏུ་བྱ།། དེ་ནས་གདུག་བྱེད་རབ་བཅིང་བ།། རྣལ་འབྱོར་གཤེད་ཆེན་ཐུགས་ཀ་ནས།། མཐིང་ནག་ཧཱུཾ་གི་ཁྱད་པར་ལས།། སྟོང་གསུམ་ཁྲོ་བོར་རབ་གསལ་ཏེ།། རྔམ
17b4 སྒྲས་འཇིག་རྟེན་ཀུན་བཀང་ནས།། གདུག་པ་གཡོ་འགུལ་མིང་ཡང་མེད།། གནོད་མཛེས་གསང་སྔགས་དྲག་པོ་ཡིས།། གང་དམིགས་ལོག་སྲེད་མ་གཏོགས་པ།། གདུག་པ་མ་ལུས་མཚམས་བཅད་དོ།། ཨོཾ་སུམ་བྷ་ནི
17b5 སུམ་བྷ་ཧཱུཾ། གྲྀཧྞ་གྲྀཧྞ་ཧཱུཾ། གྲྀཧྞཱ་པ་ཡ་གྲྀཧྞཱ་པ་ཡ་ཧཱུཾ། ཨཱ་ན་ཡ་ཧོ་བྷ་ག་ཝཱན་བིདྱ་རཱ་ཛ་ཧཱུཾ་ཕཊ། དེ་ནས་དྲག་པོའི་དཀྱིལ་འཁོར་དུ།། བརྟུལ་ཞུགས་ལྡན་པས་འདི་སྐད་བརྗོད།། གདུག་འདུལ་དྲག་པོའི་དཀྱིལ་འཁོར
17b6 དུ།། འགལ་བྱེད་མ་ལུས་བསྒྲལ་སླད་དུ།། དཀར་གསུམ་དམེ་ཁྲག་དམ་རྫས་འདིས།། ཕུང་བྱེད་དཀྱིལ་འཁོར་ཆག་ཆག་འདེབས།། ཨོཾ་མེ་ཧཱ་ཛ་ལ་མཎྜལ་ཧཱུཾ། དེ་ནས་ཚོན་དང་ཀུ་ཀུ་ར།། ཕག་ཆེན་རྒྱུ་མ་གསུམ་སྒྲིལ
iiif viewer powered by OpenSeadragon
