| e-texts navigator |
| Wylie |
178a1 སྐུའི་མཚན་ཉིད་ཇི་ལྟར་གསལ།། བདག་གིས་འཁོར་ལ་ཇི་ལྟར་བསྟན།། སྐུ་གསུམ་འདུ་འབྲལ་ཡོད་དམ་མེད།། འགྲོ་བའི་རྒྱུད་ལ་ཇི་ལྟར་སྦྱར།། གྲངས་དང་གོ་རིམ་ཇི་ལྟར་ལགས།། སྐྱོན་དང་ཡོན
178a2 ཏན་ཇི་ལྟར་གསལ། ཁྲག་འཐུང་ཆེན་པོས་གསུང་དུ་གསོལ།། ཅེས་ཞུས་སོ།། དེ་ནས་བཅོམ་ལྡན་འདས་ཀྱིས། སྐུ་གསུམ་གསལ་བའི་ངང་ནས་བཀའ་སྩལ་པ། ཨེ་མ་ཧོ་གསང་བའི་ངོ་སྤྲོད་བཞི།། སྤྲད་ལུགས་ཐབས
178a3 དང་སྐྱོན་ཡོན་དང་། གོ་རིམ་གྲངས་རྣམས་རྣམ་པར་བཤད། དྷརྨ་ཀཱ་ཡ་ཛྙཱ་ཏི་ཡ། ས་ས་ཏ་ཏ་ར་དུ་པ་ས། ཞེས་གསུངས་སོ།། ངོ་སྤྲོད་བཞིའི་རྒྱུད་ལས། གླེང་གཞིའི་ལེའུ་སྟེ་དང་པོའོ།། །། ཨེ་མ་ཧོ་གསང
178a4 བདག་ངེས་པར་ཟུང་།། ཆོས་སྐུ་རང་བྱུང་ཆེན་པོ་ལ།། གཉིས་མེད་མཚོན་པའི་ཡུལ་མི་གནས།། མེ་སྐྱེ་མི་འགག་རང་བཞིན་རྣམ་པར་དག། ཡོན་ཏན་སྣང་ཚུལ་བརྡའ་དང་ངག་གིས་མཚོན།། སྟོང་ཁྱབ་འགྱུར་མེད
178a5 གཡོ་བ་མེད།། དག་ཅིང་གསལ་ལ་གོས་པ་མེད།། ཕྱི་ནང་མེད་པར་གཟུང་འཛིན་བྲལ།། ནམ་མཁའ་དང་ནི་རྡོ་རྗེ་དང་། རྒྱ་མཚོ་ཤེལ་དང་ཉི་མ་ཡི།། མཚན་ཉིད་གོང་དང་ལྡན་པའོ།། རང་རིག་འཁོར་ལ་བརྡའ་དོན
178a6 སྦྱར།། མཐུན་དཔེ་མིག་གི་ཡུལ་དུ་སྟོན།། མཚོན་བྱ་རྣ་བའི་དབང་པོར་ཆུག། ཅེས་གསུངས་སོ།། ངོ་སྤྲོད་བཞི་ཡི་རྒྱུད་ལས། ཆོས་སྐུ་ངོ་སྤྲོད་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན
iiif viewer powered by OpenSeadragon
