| e-texts navigator |
| Wylie |
177b1 བས། འོད་འདྲེས་ནས་སྙིང་པོ་མ་འདྲེས་པར་སོ་སོར་གསལ་ཏེ། མར་མེ་ལ་རང་འོད་ལས་གཞན་མེད་སྐད་དོ།། ཐིག་ལེ་གསང་བའི་བརྡའ་རྒྱུད་ལས། རང་སྣང་ལས་གཞན་སྣང་མེད་པར་བསྟན་པའི་ལེའུ་སྟེ་བཅོ
177b2 བརྒྱད་པའོ།། །། དེ་ནས་བཅོམ་ལྡན་འདས་ཀྱིས་རྒྱུད་ཡོངས་སུ་གཏད་པ་འདི་གསུངས་སོ།། ཨེ་མ་ཧོ་གསང་བའི་བརྡའ་རྒྱུད་འདི། ཀུན་གྱི་ཐུན་མོང་མ་ཡིན་པས།། ཀུན་ཏུ་མི་སྒྲིབ་རང་གསལ་བས།།
177b3 རིན་ཆེན་གཏེར་འདི་རྟག་ཏུ་ཆོངས། ཞེས་གསུངས་སོ།། ཐིག་ལེ་གསང་བའི་བརྡའ་རྒྱུད་ལས། རྒྱུད་ཡོངས་སུ་གཏད་པའི་ལེའུ་སྟེ་བཅུ་དགུ་པའོ།། །། ཐིག་ལེ་གསང་བའི་བརྡའ་རྒྱུད་ཅེས་བྱ་བ་རྫོགས
177b4 སོ།། །། @#།། རྒྱ་གར་སྐད་དུ། ཀཱ་ཡ་ཏྲི་ཨཱ་ལོ་ཀ་ཏན་ཏྲ་ནཱ་མ། བོད་སྐད་དུ། སྐུ་གསུམ་གྱི་སྣང་བ་གསལ་བར་ངོ་སྤྲོད་པའི་རྒྱུད་ཅེས་བྱ་བ། བཅོམ་ལྡན་འདས་སྣང་བ་སྟོན་པའི་དཔལ་ལ
177b5 ཕྱག་འཚལ་ལོ།། འདི་སྐད་བདག་གིས་ཟོས་པའི་དུས་གཅིག་ན། དུར་ཁྲོད་ཀྱི་གནས། འབྱུང་བ་ལྔ་ཡི་བདག་ཉིད། འགག་པ་མེད་པའི་འོད་ཀྱི་གཞལ་མེད་ཁང་ཞེས་བྱ་བ་ན། དཔལ་ཁྲག་འཐུང་གི་རྒྱལ་པོ་དེ།
177b6 མཁའ་འགྲོ་རྣམས་དང་ཐབས་ཅིག་ཏུ་བཞུགས་སོ།། དེའི་ཚེ་གསང་བའི་བདག་པོས་ཞུས་པ།། ཆོས་སྐུའི་མཚན་ཉིད་ཇི་ལྟར་གནས།། འཁོར་ལ་ངོ་སྤྲད་ཇི་ལྟར་བགྱི།། ལོངས་སྐུའི་མཚན་ཉིད་ཇི་ལྟར་ལགས།། སྤྲུལ
iiif viewer powered by OpenSeadragon
