| e-texts navigator |
| Wylie |
177a1 གཅིག་ཡོད་སྐད། དེ་ནས་རྒྱལ་པོ་ཞབས་འཆག་ཏུ་བྱོན་པས། རྒན་མོ་ལིང་ཐོག་བྱ་བ་དང་ཕྲད་ནས་སྨྲས་པ། དེ་ཡི་བར་དུ་རྐུན་མོ་མི་ལྔས་ཟ་མ་ཏོག་ཁྱེར་ཏེ། སྨེ་ཤའི་གྲོང་ཁྱེར་དྲུག་ཏུ་མུན་པའི་མི་དྲུག
177a2 གིས། ནོར་བུ་ལ་བཀུར་སྟི་ལ་སོགས་བྱས་པས། ནོར་བུ་ལས་དགོས་འདོད་མ་བྱུང་སྐད། མུན་པའི་མི་དྲུག་ཀྱང་ཡིད་བྱུང་སྐད། ཕྱིས་ཁྱེའུ་སྣང་བ་དམ་པ་བསམ་གྱིས་མི་ཁྱབ་པ་བྱ་བའི་སྦོམ་པོ་མི་གཅིག་བྱུང་སྐད།
177a3 རྒན་མོ་མུ་ལྟོ་མར་རིག། སྔོན་ཇི་ལྟར་བརྐུས་པའི་ལོ་རྒྱུས་བརྗོད་པས། རྒྱལ་པོ་ཐུགས་ནུར་སྐད་ནས་རྒན་མོ་ལ་ཆབ་བསྩལ། རྐུན་མོ་བྲན་དུ་བཅད། མུན་པའི་མི་དྲུག་ཀྱང་བསད། སྨེ་ཤའི་གྲོང་ཁྱེར་དྲུག་བཅོམ།
177a4 རྒྱལ་པོ་དང་ནོར་བུ་ཟ་མ་ཏོག་ཀྱང་ཕྲད་སྐད། ཐིག་ལེ་གསང་བའི་བརྡའ་རྒྱུད་ལས། འཁྲུལ་ལུགས་དང་གྲོལ་ལུགས་བརྡའ་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་ཡང་སྟོན་པས་བཀའ་སྩལ་པ། སྔོན་གྱི
177a5 ཤེལ་གྱི་ཁང་བུ་དྲི་མེད་ཟང་ཐལ་གྱི་ནང་ན། རྒྱལ་བུ་ཀུན་ཏུ་གཟིགས་བྱ་བ་གནས་པ་ལ། རིན་པོ་ཆེའི་བུམ་པ་ནི་མར་མེའི་སྙིང་པོ་ལྔ་ཡང་། ཁོས་གཅིག་ཏུ་མ་མཐོང་བར་གཅིག་པུར་གནས་སོ།། སྐད་དོ།། ཐིག་ལེ
177a6 གསང་བའི་བརྡའ་རྒྱུད་ལས། མྱ་ངན་ལས་འདས་པའི་དགོངས་པ་བརྡའ་བསྟན་པའི་ལེའུ་སྟེ་བཅུ་བདུན་པའོ།། །། དེ་ནས་ཡང་སྟོན་པས་བཀའ་སྩལ་པ། སྔོན་ནམ་མཁའ་སྟོང་པའི་ངང་ལས། མར་མེ་སྟོང་ཤར
iiif viewer powered by OpenSeadragon
