| e-texts navigator |
| Wylie |
176b1 པ། སྔོན་རིན་པོ་ཆེ་ལས་བྱས་པའི་ཁང་པ་གཅིག་ན། ཁྱེའུ་ནམ་མཁའི་སྙིང་པོ་བྱ་བ་འདུག་པས། ཁང་པའི་མཐོངས་ན། སྒོ་ནས་ཁོ་ཡི་བྱད་ཀྱི་མདངས་ཤར་ནས། ཁོ་ལ་ཁང་པ་ཡོད་མེད་མེད་པར་འདུག་པ་ལ།
176b2 ཁང་པ་ཞིག་པས་ཀྱང་གར་ཡང་མ་བྲོས་པར་རང་ས་དེ་ན་འདུག་སྐད་དོ།། ཐེག་ལེ་གསང་བའི་བརྡའ་རྒྱུད་ལས། ཆོས་སྐུ་ཟངས་ཐལ་གྱི་བརྡའི་ལེའུ་སྟེ་བཅུ་གསུམ་པའོ།། །། སྟོན་པས་བཀའ་སྩལ་པ། སྔོན་ཀོ་ས
176b3 ལའི་རྒྱལ་པོ་གསལ་རྒྱལ་གྱིས། གྱིར་ལིང་འཕྲུལ་གྱི་རྟ་ལ། གསེར་གྱི་སྒོ་གཅིག་བཙུད་ནས། ཚར་གྱིས་འགྲོ་མ་ཤེས་པར་འདུག་སྐད། ཐིག་ལེ་གསང་བའི་བརྡའ་རྒྱུད་ལས། ཨ་ནུ་མན་ཆད་བཟང་རྟོག་གིས་འཆིང
176b4 བར་བསྟན་པའི་ལེའུ་སྟེ་བཅུ་བཞི་པའོ།། །། དེ་ནས་སྟོན་པས་བཀའ་སྩལ་པ། སྔོན་ཁྱེའུ་ཀུན་ཏུ་གསལ་གྱིས། རང་གི་བྱད་ཀྱིས་སྣང་བ་མ་ཤེས་པས།། གྱེར་ལིང་འཕྲུལ་གྱི་རྟ་ཕོ་དེ། སྦྲུལ་དང་རྔ་མོང་གིས
176b5 གདངས་པས། རང་གི་བྱད་ཀྱི་རྣམ་པར་ཤེས་པས། དགྲོལ་མི་དགོས་པ་རང་གྲོལ་དུ་སོང་སྐད། ཐིག་ལེ་གསང་བའི་བརྡའ་རྒྱུད་ལས། རྫོགས་ཆེན་རང་གྲོལ་དུ་བསྟན་པའི་ལེའུ་སྟེ་བཅོ་ལྔ་པའོ།། །། དེ་ནས
176b6 སྟོན་པས་བཀའ་སྩལ་པ། སྔོན་ཡུལ་ཡངས་པ་ཆེན་པོ། པདྨོ་བདེ་རྩལ་གྱི་གྲོང་ཁྱེར་ན། རྒྱལ་པོ་ནོར་བུ་འོད་ལྡན་བྱ་བ་ནོར་བུ་རིན་པོ་ཆེའི་ཟ་མ་ཏོག་ཡོད་སྐད། དེ་ཡི་ནང་ན་རིན་པོ་ཆེ་ཕྲ་མོ་བསམ་གྱིས་མི་ཁྱབ་པ
iiif viewer powered by OpenSeadragon
