| e-texts navigator |
| Wylie |
175a1 པར། ལྷ་ཁང་གི་སྒོ་ན་འོད་བྱ་ཕོ་ཙམ་གཅིག་ཀུན་ལ་སྣང་ཞིང་འདུག་སྐད། དེའི་ཐུགས་ཀ་ནས་མར་མེ་གཅིག་ལ་འོད་ལྔར་ཤར་བས་ན། འོད་ཀུན་ཏུ་གསལ་མ་ནུས་པར། ལྷ་ཁང་གི་སྒོ་ན་འོད་བྱ་ཕོ
175a2 ཙམ་གཅིག་ཀུན་ལ་སྣང་ཞིང་འདུག་སྐད། དེ་ལ་བལྟས་པས་ལྷ་ཁང་གི་གཙོ་བོ་མཐོང་སྐད། དེར་ཡ་མཚན་སྐྱེས་ནས་གཙོ་བོ་ལ་བལྟས་པས། བྱིན་རླབས་ཞུགས་པས་ཕྲ་མ་དང་བྲལ་བས། འཁོར་གསུམ་ཡོངས་སུ
175a3 དག་པ་བྱས་ཏེ། གངས་དཀར་ཤེལ་གྱི་བྲག་ཕྲག་ཏུ་སོང་སྐད་དོ།། ཐིག་ལེ་གསང་བའི་བརྡའ་རྒྱུད་ལས། དོན་གྱི་བདེན་པ་མཐོང་བས་རང་བཞིན་གྱི་དགོངས་པ་ལ་གནས་པའི་ལེའུ་སྟེ་བརྒྱད་པའོ།། །། ཡང
175a4 བཀའ་སྩལ་པ། ཁྱེའུ་མར་མེ་ཅན་བྱ་བ་ལ། ཁྱེའུ་སྣང་བ་དམ་པའི་དཔལ་ཞེས་བྱ་བ། མར་མེ་བཞི་བཏང་བས། ཡུལ་བཞི་མུན་པ་སེལ་བའི་ངོ་སྤྲོད་བཞི། ཡུལ་རྣམ་དག་པདྨའི་ཚལ་བྱ་བ་ན། ལྷ་མོ་པན་ཏ་ཤན་མ
175a5 ཞེས་བྱ་བ་དང་། ལྷའི་བུ་གཞོན་ནུ་སྲེད་བྱེད་ཅེས་བྱ་བ་འདུག་པ་མཐོང་ངོ་།། དེར་མར་མེ་གཅིག་ལ་བལྟས་པས། ཡུལ་མེ་ལོང་གཡའ་དག་གསལ་བྱ་བ་ན། རྒྱལ་པོ་གཟུགས་ཅན་སྙིང་པོ་པདྨའི་སྤྱན་བྱ་བ་ལ། རྒྱལ
175a6 པོ་སྡེ་བཞི་འཁོར་དང་བཅས་པས་བསྐོར་ཏེ། གྲོང་དང་གྲོང་མི་ཕྱེད་པར་འཁོར་གྱིས་ཚིག་རྒྱུད་མི་འཆད་པར་བྱེད་པ་མཐོང་སྐད་དོ།། མར་མེ་གཅིག་ལ་བལྟས་པས། སྔ་ཕྱི་དུས་གཅིག་དྲན་ཏེ། ས་རྣམས་དུས་གཅིག
iiif viewer powered by OpenSeadragon
