| e-texts navigator |
| Wylie |
174b1 བྱེད་སྐད། ཤིང་དེའི་ཡལ་ག་བཞི་ཕྱོགས་བཞིར་གྱེས་པའི་རྩ་བ་ན། སེང་གེ་གཅིག་གི་ཁ་ན་མེ་ལོང་གཅིག་ཐོགས། དེའི་ནང་ན་ཤེལ་གྱི་སྐུ་འོད་ཀྱིས་གང་བ་ཅིག་གསལ་ཅིང་འདུག་སྐད། ཡལ་ག་གཅིག་གི་རྩ་བ་ན།
174b2 གཡུ་ཡི་ལུ་མའི་ནང་ན་གསེར་གྱི་ཉ་མོ་མིག་མེད་པ་གཅིག་འདུག་དེ་མི་འགུལ་བ་ཅིག་འདུག་སྐད། ཡལ་ག་གཅིག་གི་རྩ་བ་ན། བྱ་ཁྱུང་གཅིག་ལ་སྲིན་པོ་མགོ་དགུ་མིག་གཅིག་པ་ཞོན་ནས། ལག་པ་བདུན་གྱིས་འགྲོ
174b3 བ་ཀུན་གྱི་སྲོག་གཅོད་པ། སྤྱི་བོ་ནས་ཐོག་འབེབས་པ་གཅིག་འདུག་སྐད། ཡལ་ག་གཅིག་གི་རྩ་བ་ན་མེ་ལོང་གཅིག་གི་ནང་ན། ཤེལ་གྱི་ཁྱེའུ་ཞལ་དྲུག་པ་གཅིག་ལ། ལྷ་མོ་ལྔས་བསྐོར་ནས། སྦྱོར་བ་གཅིག་འདུག
174b4 སྐད་དོ།། ཡལ་ག་ཕྲ་མོ་ཐམས་ཅད་ནས། གསེར་གྱི་བྱེ་ཆུང་སྐད་སྙན་པ་སྣ་ཚོགས་སྒྲོག་པ་གཅིག་འདུག་སྐད། དེ་ཀུན་གྱིས་མི་མཐོང་སྟེ། ཏི་པ་རའི་བུ་མར་མེའི་སྤྱན་གྱིས་མཐོང་ངོ་།། མཐོང་ནས་ཡ་མཚན་གྱི་ལྡུམ
174b5 ར་དེ་ཀུན་ལ་སྒྲོགས་སོ་སྐད། སྒྲོགས་པ་ཐོས་ནས་ཡ་མཚན་སྐྱེས་ཏེ། ཀུན་དེ་ལ་བལྟ་སྐད་དོ།། ཐིག་ལེ་གསང་བའི་བརྡའ་རྒྱུད་ལས། རྩ་བའི་རྒྱུད་དང་ཡལ་གའི་རྒྱུད་ཀྱི་དོན་བརྡའ་རུ་བསྟན་པའི་ལེའུ་སྟེ་བདུན
174b6 པའོ།། །། ཡང་སྟོན་པས་བཀའ་སྩལ་པ། ལྷ་ཁང་གཅིག་གི་ནང་ན། གཙོ་བོར་ཤེལ་གྱི་སྐུ་ཀུན་ཏུ་ཞལ་དུ་བཞུགས་སྐད། དེའི་ཐུགས་ཀ་ནས་མར་མེ་གཅིག་ལ་འོད་ལྔ་ཤར་ནས། འོད་ཀུན་ཏུ་གསལ་མ་ནུས
iiif viewer powered by OpenSeadragon
