| e-texts navigator |
| Wylie |
174a1 པས། ཡིད་ཤོར་ཏེ་རྒྱ་དཀར་པོའི་མི་དགུ་པོའི་ཕྱིར་འབྲངས་པས་ཡོན་ཏན་སོ་སོར་ལོབས་ཏེ། རྒྱ་ནག་པོའི་སྤྱོད་པ་ནི་བོར། རྒྱ་དཀར་དང་ཆོས་བསྟན་པས། མུ་སྟེགས་མུན་པའི་གོ་ཆ་ཅན་ཡི་མུག་ནས
174a2 ལྕེབས་སོ།། མུན་པའི་མི་དྲུག་ལ་མེ་ལོང་གཅིག་བསྟན་པས། མར་མེ་རེ་རེ་ཤར་སྐད་དོ།། ཐིག་ལེ་གསང་བའི་བརྡའ་རྒྱུད་ལས། འགྲོ་དྲུག་བློ་དང་སྦྱར་ནས་ཐེག་པ་རིམ་པ་དགུ་བསྟན་པས་རྟོགས་པ་སོ་སོར་སྐྱེས
174a3 པའི་ལེའུ་སྟེ་དྲུག་པའོ།། །། དེ་ནས་ཡང་བཀའ་སྩལ་པ། སྔོན་བྱུང་ཡུལ་པདྨོ་བདེ་བའི་སྩལ་དུ། ཤེལ་གྱི་ཁྱེའུ་ཉི་མའི་སྤྱན་གྱིས། ངོ་མཚར་བའི་ལྡུམ་ར་གཅིག་བྱས་པས། ཡ་མཚན་གྱི་ཤིང་གཅིག་སྐྱེས་ཏེ། ལོ
174a4 འདབ་མེ་ཏོག་འབྲས་བུ་དུས་གཅིག་ཏུ་སྨིན་ཏེ། སེམས་ཅན་གྱི་གསོས་སུ་གྱུར་སྐད། ཤིང་དེ་ཡི་རྩེ་མོ་ན་བྱ་ཁུ་བྱུག་སྐད་སྙན་ཅིང་སྤུ་ཀ་སྡུག། སྤུ་ཁ་བཅུ་དང་ལྡན་པས། སྐད་ཕྱོགས་བཅུར་སྒྲོགས་པས་ཀུན་གྱི་སྒྲ་སྒྲོག
174a5 པ་ཕྲོགས་སོ།། ཤིང་དེའི་རྩ་བ་ན་གསེར་གྱི་སེང་གེ་འབྲུག་གི་སྒྲ་ཅན་ལ། རལ་གྲི་ཁ་མངས་ཀྱི་མཆེ་བ་སྐྱེས་པ། མིག་ཕྱོགས་བཅུར་བལྟ་ཞིང་སྐད་སྒྲོགས་པ། གཅན་གཟན་ཕྲ་མོ་ཀུན་སྲོག་གཅོད་པ་གཅིག་ཡོད་སྐད།
174a6 ཤིང་དེའི་སྐེད་པ་ན་མུ་ཏིག་གི་ཕྲེང་བ་འགྲུལ་བུ་བཅུ་དྲུག་ཏུ་བཅས་པས། ཀུན་གྱི་རྒྱན་དུ་མཛེས་སྐད། ཤིང་དེའི་ཁོག་པ་ནས་བར་སྣང་གི་ནམ་མཁའ་ལ། རིན་པོ་ཆེ་གསེར་གྱི་ཉི་མ་ཤར་བས། འགྲོ་བ་ཀུན་གྱི་སྣང་བ
iiif viewer powered by OpenSeadragon
