| e-texts navigator |
| Wylie |
173b1 ལེལེ་གསང་བའི་བརྡའ་རྒྱུད་ལས། འཁྲུལ་པའི་བརྡའ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་སྟོན་པ་རྡོ་རྗེ་འཆང་། འཁྲུལ་སྣང་ཡེ་ཤེས་ལྡོག་ཕྱིར་དུ།། བཟློག
173b2 པ་ཐབས་ཀྱི་བརྡའ་རྣམས་གསུང་།། ཞེས་གསོལ་ཏོ།། སྟོན་པས་བཀའ་སྩལ་པ། སྔོན་ཡུལ་མུན་པའི་གླིང་བྱ་བ་ན། རྫ་མཁན་ཀུན་བསྐྱེད་བྱ་བས། སྟོན་མོ་ཆེན་པོ་གཅིག་བཀྱེ་བས། ཤ་དུག་བྱུང་ནས་ན་བ་ལ།།
173b3 ཡུལ་མེ་ལོང་ཉི་མ་ཅན་བྱ་བ་ན། སྨན་པ་ཀུན་ཏུ་གསོ་མཁྱེན་བྱ་བ་ཡོད་པ་བཀུག་ནས། སྨན་པས་ནད་པའི་རྩ་གཟིགས་པས། ནད་འདུ་བ་རྣམ་པ་བཞི་ལངས། དུག་ཁོང་དུ་སོང་བར་མཁྱེན་ནས། ནད་པ་རྣམས་ལ
173b4 སྨན་རྒྱུ་གཅིག་ཏུ་བསྲེས་ནས་བཏང་བས། ནད་སོས་ཐུབ་པར་གྱུར་ཏོ།། ཐིག་ལེ་གསང་བའི་བརྡའ་རྒྱུད་ལས། སྟོན་པས་གང་ཟག་གི་བློ་དང་སྦྱར་ནས། ཐེག་པ་རིམ་པ་དགུ་གསུངས་པ་དང་དོན་གཉིས་སུ་མེད་པར
173b5 བསྟན་པའི་ལེའུ་སྟེ་ལྔ་པའོ།། །། དེ་ནས་ཡང་སྟོན་པས་བཀའ་སྩལ་པ། སྔོན་རྒྱ་ནག་པོའི་ཡུལ། རྟ་ཤི་ནག་པོའི་ནགས་ཚལ་བྱ་བ་ན། མུ་སྟེགས་མུན་པའི་གོ་ཆ་ཅན་བྱ་བ་གཅིག་གིས། ལྟད་མོ་གཅིག་བྱས
173b6 པས། མུན་པའི་མི་དྲུག་གིས་ཐོག་ཆོད་ནས་ཡོད་པ་ལ། རྒྱ་དཀར་པོའི་ཡུལ་ནས། གྱད་ཀྱི་མི་བརྒྱད་ཀྱི་རྒྱལ་པོ་དང་དགུ་བྱོན་ནས། མུན་པའི་མི་དྲུག་གིས་ཁྲོམ་བསྐོར་མ་ནུས་པར། རྒྱལ་པོ་འཁོར་བཅས་ལ་བལྟས
iiif viewer powered by OpenSeadragon
