| e-texts navigator |
| Wylie |
171b1 དཀར་པོའི་གདན་ལ། སྣང་ལ་རང་བཞིན་མེད་པ་ཏིལ་གྱི་གོང་བུ་ཙམ། རྟ་རྔ་བཅུ་གཤེགས་ཚད་དྲངས་མ། འོད་ལྔའི་ཚུལ་དུ་བཞུགས། རྡོ་རྗེ་སེམས་དཔའི་མེ་ལོང་ལ་མིག་བཅུག་ནས་བལྟས་པས། ཆ་ཕྲ་ལ་གདངས
171b2 པ། གསལ་ལ་འཚེར་བ། རང་བཞིན་བཀྲག་པ། ཉམ་ང་བ། སོས་ཀའི་ཐང་ཀ་ལ། སྨིག་རྒྱུ་རྒྱུ་བ་བཞིན་དུ་མེ་རེ་རེ་ཡོང་ངོ་།། དེ་ལྟར་ཉམས་སུ་མྱོང་ཞིང་ངོ་ཤེས་ཤིང་འདྲེས་པར་གྱིས་ཤིག། ཀྱེ་གསང་བའི་བདག་པོ།།
171b3 གསུམ་ནི་སྐུ་གསུམ་གྱི་བརྡའོ།། དཔེ་འདྲ་འབག་ལ། མེ་ལོང་གསུམ་ཐུགས་ཉམས་སུ་བླང་ངོ་།། ཆོས་ཉིད་ཀྱི་བར་དོ་བསྟན་པའི་ལེའུ་སྟེ་བཅུ་གཉིས་པའོ།། ། ཀྱེ་གསང་བའི་བདག་པོ། དབང་པོ་ཐ་མའི
171b4 གང་ཟག་གཅིག། སྐྱེ་ཤི་འཇིགས་པ་ལས་སྒྲོལ་བ་ལ། བར་དོ་གཉིས་ལྷག་པར་བསྟན་ཏེ། ནམ་འཆི་བའི་ཚེ། ལུས་ཀྱི་ཆ་ལུགས་རྟའི། མཛེས་པའི་མདངས་ཤོར་རོ།། ས་ཆུ་ལ་ཐིམ་པས། ལུས་མི་ཐེག་སྟོབས་ཤོར།།
171b5 ཆུ་མེ་ལ་ཐིམ་པས། ཁ་སྣ་སྐམ། མེ་རླུང་ལ་ཐིམ་པས། ལུས་ཀྱི་དྲོད་ཤོར། རླུང་ནམ་མཁའ་ལ་ཐིམ་པས། ཤེས་པ་རྡིབ་རྩ་ཆད། ཐིབ་ཐིབ་པའི་དུས་དེར། བླ་མ་གདམས་ངག་ཅན་གཅིག་གིས། གདམས་ངག་བཏབ
171b6 ནས་བྱས་ན།། བེམ་རིག་བྲལ་བ་དང་། སྔར་གྱི་གདམས་ངག་གི་གནད་ཀྱིས།། དཔེར་ན་མི་གཅིག་གིས།། རྫས་ཀྱི་རྣམ་པ་གཅིག་བང་མཛོད་ཅིག་ཏུ་བཞག་པས།། ས་ནི་སྲོད་མུན་པ་ལ་ལོན་དགོས་ན།། སྒྲོན་མེ
iiif viewer powered by OpenSeadragon
