| e-texts navigator |
| Wylie |
170b1 འདབ་མ་ལ། ཤེས་བྱའི་ཐོགས་པ་མེད་པའི་བྱ་བ་གྲུབ་པའི་ཡེ་ཤེས། ཡེ་ཤེས་དེའི་རང་གདངས། འོད་ཁ་དོག་ལྗང་གུ་རུ་གསལ་ལོ།། དེའི་འབྲས་བུ་གཟུགས་བརྙན་གྱི་སྐུར་ཤར་བ། བཅོམ་ལྡན་འདས་དཔལ་དོན
170b2 ཡོད་གྲུབ་པ། སྐུ་མདོག་ལྗང་གུར་གསལ་ལོ།། ཐུགས་རྗེས་སེམས་ཅན་གྱི་དོན་ལ་སྐྱོབས་པའི་བརྡའ་རུ། རིན་པོ་ཆེའི་རྒྱན་དུ་མས་བརྒྱན་པའོ།། མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན
170b3 པ། གདན་ནི་སྐྱོན་གྱིས་མ་གོས་པ་པདྨའི་གདན་དང་། ཐབས་ཤེས་རབ་འདུ་འབྲལ་མེད་པ་ཉི་ཟླའི་གདན་ནོ།། འགྲོ་བའི་དོན་ཐོགས་པ་མེད་པ་མཛད་པའི་བརྡའ་རུ། ཤང་ཤང་བསྣོལ་བའི་གདན་ནོ།། དེ་ཡང་ཡབ
170b4 དོན་ཡོད་གྲུབ་པ་འགག་པ་མེད་པའི་བརྡའ། སེམས་དཔའ་གཉིས་སུ་ཤར་ཏེ། ཕྱག་ན་རྡོ་རྗེ་གཡས་ན། སྒྲིབ་པ་རྣམ་སེལ་གཡོན་ནའོ།། ཡུམ་གྱི་ཤེས་རབ་འགག་པ་མེད་པའི་ཆ་འཛིན་པ། སེམས་མ་གཉིས་སུ་ཤར
170b5 ཏེ། དེ་ཡང་གི་རྟི་མ་སྐྲའི་མཆོད་པ་འབུལ་བ་མདུན་ན། གན་དྷེ་མ་དྲིའི་མཆོད་པ་འབུལ་བ་རྒྱབ་ནའོ།། ཚོམ་བུའི་དཀྱིལ་འཁོར་དུ་རང་གསལ་ལོ།། ཀྱེ་གསང་བའི་བདག་པོ། ཚད་མེད་པ་བཞིའི་རང་བཞིན་ལས། སྒོ
170b6 བ་བཞིར་ཡང་སྣང་སྟེ། རྣམ་རྒྱལ་ཤར་ན། གཤིན་རྗེ་གཤེད་པོ་ལྷོ་ན། རྟ་མགྲིན་ནུབ་ན། བདུད་རྩི་འཁྱིལ་པ་བྱང་ནའོ།། དེའི་ཡུལ་བཞི་ལ་སྒོ་མ་བཞིར་ཡང་སྣང་སྟེ། ལྕགས་ཀྱུ་མ་ཤར་ན། ཞགས་པ
iiif viewer powered by OpenSeadragon
