| e-texts navigator |
| Wylie |
170a1 ཤེས། ཡེ་ཤེས་དེའི་རང་གདངས། འོད་ཁ་དོག་དམར་པོར་གསལ་ལོ།། དེའི་འབྲས་བུ་གཟུགས་བརྙན་དུ་ཤར་བའི་སྐུ། བཅོམ་ལྡན་འདས་དཔལ་སྣང་བ་མཐའ་ཡས་སུ་གསལ་ཏེ། ཐུགས་རྗེ་འགྲོ་བའི
170a2 དོན་ལ་ཆགས་པའི་བརྡའ་རུ། སྐུ་མདོག་བྱི་རུའི་མདོག་ལྟར་དམར་པོར་གསལ་ལོ།། དོན་གྱི་དགོངས་པ་ཆོས་ཉིད་ངང་ལ་གནས་པའི་བརྡའ་རུ། མཉམ་བཞག་གི་ཕྱག་རྒྱ་ཅན། ཐུགས་རིག་པའི་ཡེ་ཤེས་ལ་རྟོག་པ
170a3 ཉོན་མོངས་པའི་སྐྱོན་གྱིས་མ་གོས་པའི་བརྡའ་རུ། ཕྱག་མཚན་པདྨ་བསྣམས་པའོ།། ཐབས་ཤེས་རབ་འདུ་འབྲལ་མེད་པའི་བརྡའ་རུ། ཡུམ་མེ་གོས་དཀར་མོ་དང་གཉིས་སུ་མེད་པའོ།། གདན་ནི་འགྲོ་བའི་དོན་མཛད
170a4 པ་ལ་མཛེས་པའི་བརྡའ་རུ། རྨ་བྱ་བསྣོལ་བའི་གདན་ནོ།། དེའི་སྟེང་དུ་འཁོར་བའི་ཉོན་མོངས་པའི་སྐྱོན་གྱིས་མ་གོས་པའི་བརྡའ་རུ་པདྨའི་གདན་ནོ།། ཐབས་ཤེས་གཉིས་སུ་མེད་པའི་བརྡའ་རུ། ཉི་ཟླའི་གདན
170a5 ནོ།། དེ་ཡང་སྐུ་སྐྱིལ་ཀྲུང་། མཚན་དང་དཔེ་བྱད་ཀྱིས་བརྒྱན་པ། ཡབ་ཀྱི་ཐབས་འགག་པ་མེད་པའི་བརྡར། སེམས་དཔའ་གཉིས་སུ་ཤར་ཏེ། འཇམ་དཔལ་གཡས་ནའོ།། སྤྱན་རས་གཟིགས་གཡོན་ནའོ།། ཡུམ་གྱི
170a6 ཤེས་རབ་འགྱུར་བ་མེད་པའི་ཆ་འཛིན་པ་གཉིས་སུ་ཤར་ཏེ། ཨཱ་ལོ་ཀེ་སྣང་གསལ་འབུམ་པའི་ལྷ་མོ་མདུན་ན། གཱིརྟི་སྒྲའི་མཆོད་པ་འབུལ་བ་རྒྱབ་ནའོ།། ཚོམ་བུའི་དཀྱིལ་འཁོར་དུ་རང་གསལ་ལོ།། བྱང་གི་པདྨའི
iiif viewer powered by OpenSeadragon
