| e-texts navigator |
| Wylie |
169a1 བཞིན་གསལ་བའི་མེ་ལོང་ལྟ་བུ་ཡེ་ཤེས། ཡེ་ཤེས་དེའི་རང་གདངས། འོད་ཁ་དོག་དཀར་པོར་གསལ་ལོ།། དེའི་འབྲས་བུ་གཟུགས་བརྙན་དུ་ཤར་བའི་སྐུ། བཅོམ་ལྡན་འདས་དཔལ་རྡོ་རྗེ་སེམས
169a2 དཔའ། ཆོས་ཀྱི་སྐུ་དྲི་མ་མེད་པའི་བརྡའ་རུ། སྐུ་མདོག་དཀར་པོ། ས་ཡོངས་སུ་རྫོགས་ཤིང་ནོན་པའི་བརྡའ་རུ། ས་གནོན་གྱི་ཕྱག་རྒྱ། ཐུགས་རིག་པའི་ཡེ་ཤེས་ལས་འགྱུར་བ་མེད་ཅིང་། སྐུ་ལྔ་ཡེ་ཤེས་ལྔ་དང་ལྡན
169a3 པའི་བརྡའ་རུ། ཕྱག་མཚན་རྡོ་རྗེ་རྩེ་ལྔ་པ་བསྣམས་པའོ།། ཐབས་ཤེས་རབ་འདུ་འབྲལ་མེད་པའི་བརྡའ་རུ། ཡུམ་སངས་རྒྱས་སྤྱན་དང་གཉིས་སུ་མེད་པའོ།། སྐུ་རྡོ་རྗེ་སྐྱིལ་ཀྲུང་དུ་བཞུགས་ཤིང་། མཚན་དང་དཔེ
169a4 བྱད་ཀྱིས་བརྒྱན་པའོ།། གདན་ནི་ཆོས་ཉིད་མི་འགྱུར་བའི་རྟགས་སུ་གླང་པོ་ཆེའི་གདན་ནོ།། དེའི་སྟེང་དུ་ཉོན་མོངས་པའི་སྐྱོན་གྱིས་མ་གོས་པའི་བརྡའ་རུ། པདྨའི་གདན་དང་ཉི་ཟླའི་གདན་ལ་བཞུགས་སོ།། དེ་ཡང
169a5 རྡོ་རྗེ་སེམས་དཔའ་ཡབ་ཀྱི་ཐབས་འགག་པ་མེད་པའི་ཡེ་ཤེས་ཀྱི་ཆ་འཛིན་པའི་སེམས་དཔའ་གཉིས་སུ་ཤར། དེ་ཡང་སའི་སྙིང་པོ་གཡས་ནས་བཞུགས། བྱམས་པ་ཨཻ་ཏྲི་གཡོན་ན་བཞུགས་སོ།། ཡུམ་སངས
169a6 རྒྱས་སྤྱན་གྱི་ཤེས་རབ་འགྱུར་བ་མེད་པའི་ཆོས་ཉིད་ཀྱི་མཚན་ཉིད་འཛིན་པ། སེམས་མ་གཉིས་སུ་ཤར་དེ། ལཱ་སྱ་སྒེག་མོ་བདུན་ན་བཞུགས་སོ།། པུཥྤེ་མ་རྒྱབ་ན་བཞུགས་སོ།། ཚོམ་བུའི་དཀྱིལ་འཁོར་དུ་རང་གསལ
iiif viewer powered by OpenSeadragon
