| e-texts navigator |
| Wylie |
168b1 འཆར། གཅིག་ལ་གནས་སོ།། རྒྱལ་བ་འོད་ཀྱི་ཕུང་པོའི་ཆེན་པོའི་དཀྱིལ་འཁོར་ཆེན་པོ།། འདབ་མ་བཞི་པ་ལྟེ་བ་དང་ལྔའི་ཚུལ། མེ་མར་སྟོང་བཏེག་པ་ལྟ་བུ། ཉི་མ་འབུམ་པས་ལྷག་པའི་པདྨའི་དབུས་ལྟེ་བ་ལ།
168b2 རིག་པ་ངོ་བོ་སྟོང་པའི་ངོས་ནས་ཆོས་ཀྱི་དབྱིངས་ཀྱི་ཡེ་ཤེས། ཡེ་ཤེས་དེའི་རང་གདངས་འོད་ཁ་དོག་མཐིང་གར་གསལ་ལོ།། དེའི་འབྲས་བུ་གཟུགས་བརྙན་དུ་ཤར་བའི་སྐུ། བཅོམ་ལྡན་འདས་དཔལ་རྣམ་པར་སྣང
168b3 མཛད། ཆོས་ཉིད་མི་འགྱུར་བའི་རྟགས་སུ། སྐུ་མདོག་མཐིང་ག། དོན་གྱི་དགོངས་པ་ཆོས་ཉིད་སྐྱེ་བ་མེད་པའི་ཀློང་དུ་འདུས་པའི་རྟགས་སུ། བྱང་ཆུབ་མཆོག་གི་ཕྱག་རྒྱ་ཅན། ཐུགས་རིག་པའི་ཡེ་ཤེས་མ་རིག་པ
168b4 གཅོད་པའི་བརྡའ་རུ། ཕྱག་མཚན་འཁོར་ལོ་བསྣམས་པ། ཡོན་ཏན་རིན་པོ་ཆེ་དུ་མས་སྤྲས་པའི་བརྡའ་རུ། རིན་པོ་ཆེ་མཛེས་པའི་རྒྱན་གྱིས་སྤྲས་པ། གདན་ནི་སྐུ་ལ་རྩལ་གསུམ་རྫོགས་པའི་རྟགས་སུ་སེང་གེའི
168b5 གདན་ནོ།། སྐུ་ལ་ཉོན་མོངས་པའི་སྐྱོན་གྱིས་མ་གོས་པའི་རྟགས་སུ་པདྨའི་གདན་ནོ།། དེའི་སྟེང་དུ་ཐབས་ཤེས་རབ་འདུ་འབྲལ་མེད་པའི་བརྡའ་རུ། ཉི་མ་དང་ཟླ་བའི་གདན་ལ་བཞུགས་སོ།། འཁོར་ནི་ཚད་མེད་པ
168b6 བཞི་དང་ལྡན་པའི་བརྡའ་རུ། རིགས་བཞིའི་སངས་རྒྱས་ཀྱིས་བསྐོར་ཏེ། སྐུ་མདོག་དགོངས་པ་བརྡའ་ཡིས་མཚོན་པ། ཚོམ་བུའི་དཀྱིལ་འཁོར་དུ་གསལ་ལོ།། ཤར་གྱི་པདྨའི་འདབ་མ་ལ། རིག་པ་རང
iiif viewer powered by OpenSeadragon
