| e-texts navigator |
| Wylie |
168a1 མོ་ལང་ཚོ་ལ་བབ་པ། མེ་ལོང་ལ་བལྟ་ཞིང་ཕྱི་བདར་བྱེད་དོ།། ལས་ཅན་གྱི་གང་ཟག་དེ་ཡང་། གདམས་ངག་ལ་ཡང་དང་ཡང་དུ་དྲན་པ་བསྟན་པའོ།། དེ་ཡང་དང་ཡང་དུ་གསོར་བྱེད་པ། དེ་ཉིད་དྲན
168a2 པ་ཆེན་པོ་འཆང་ཤས་སོ།། ཏིང་ངེ་འཛིན་གྱི་བར་དོ་བསྟན་པའི་ལེའུ་སྟེ་བཅུ་པའོ།། །། རྨི་ལམ་གྱི་བར་དོ་ལ་བག་ཆགས་ཀྱི་མཚམས་སྦྱོར་བ་ནི། ཀྱེ་གསང་བའི་བདག་པོ། དཔེར་ན་ཆུ་བོའི་གཞུང་ལྟ་བུ་སྟེ།
168a3 ཆུ་བོ་གང་གཱའི་ཆུ་བསྐལ་པ་ནས་རྒྱུན་ཆད་མེད་པ་བཞིན་དུ། སྣང་བ་འདི་རང་ཡང་རྨི་ལམ་ལྟ་བུ་ཡིན་ཏེ། དེ་རང་བྲེད་དངངས་དྲག་པོ་གཅིག་བྱུང་ན། རྨི་ལམ་ན་ཡང་དངངས་སྐྲག་གོ། སྐྱེ་ཤིས་འཇིགས་པའི་མི
168a4 གཅིག། གདམས་ངག་ལ་དྲན་པ་བརྟན་པ་ལ་ཉིན་དང་མཚན་མེད་དོ།། རྨི་ལམ་གྱི་བར་དོ་བསྟན་པའི་ལེའུ་སྟེ་བཅུ་གཅིག་པའོ།། །། ཀྱེ་གསང་བའི་བདག་པོ། ཆོས་ཉིད་ཀྱི་བར་དོ་ལ་རང་ཡིན་པ་ལ། ཡིན་པར
168a5 ངོ་ཤེས་པ། སྔར་འདྲིས་པའི་མི་དང་ཕྱིས་གང་འཕྲད་པ་ལྟ་བུ་ནི། ད་ལྟ་བླ་མས། རང་ལ་ཆོས་སྐུ་ངོ་སྤྲད་ནས་རང་ངོ་ཤེས་པའི་གང་ཟག་དེ། བེམ་རིག་བྲལ་བ་དང་། ཁྱུང་སྒོང་རྒྱ། སེང་གེ་མངལ་རྒྱ། རྣལ་འབྱོར་པ
168a6 ལུས་རྒྱ། རྒྱ་གསུམ་ལས་གྲོལ་བའི་དུས་སོ།། རང་སྣང་སྐུ་དང་ཡེ་ཤེས་སུ་ངོ་ཤེས་ཏེ། རང་སྣང་རྣམ་དག་ཏུ་ངོ་ཤེས། ཡིད་ཆེས་ཐག་ཆོད་དོ།། སྔར་འདྲིས་པའི་མི་དང་ཕྱིས་འཕྲད་པ་ལྟ་བུའོ།། གཅིག་འགག། གཅིག
iiif viewer powered by OpenSeadragon
