| e-texts navigator |
| Wylie |
166b1 ཡེངས་པར་ཉོན་ཅིག། དེ་འཁྲུལ་པ་བཟློག་ན། ཟག་བཅས་ཀྱི་ཕུང་པོ་འདི། མགར་བའི་ལག་གིས་བྱས་པའི་མེ་ལོང་གིས་གཏན་ལ་འབེབས་པ་ལྟར། ཟག་པ་མེད་པའི་ཡེ་ཤེས། བཅོམ་ལྡན་འདས་དཔལ་སྣང་བ
166b2 མཐའ་ཡས་ཀྱི། ཐུགས་ལས་རང་བྱུང་བའི་རིན་པོ་ཆེ། ཤེལ་གྱི་མཆོད་རྟེན་ཁྲི་འཕང་ལྔ་རང་བྱུང་སྟེ། དཔལ་རྡོ་རྗེ་སེམས་དཔའ་ཐུགས་ཀྱི་སྤྲོས་པ་ཆོད་དོ།། དེ་ནས་འཛམ་བུ་གླིང་ཡོངས་སུ་མཐོང་སྟེ། དེ་ནས་རི་མ་ལ
166b3 ཡའི་རྩེ་ལ་བབས་སོ།། དགྲ་བཅོམ་པ་ལྔ་བརྒྱའི་ཐུགས་ཀྱི་སྤྲོས་པ་ཆོད་དོ།། དེ་ནས་རི་བྱ་རྒོད་རིའི་རྩེ་ལ་བབས་སོ།། པཎྜི་ཏ་ལྔ་བརྒྱའི་ཐུགས་ཀྱི་སྤྲོས་པ་ཆོད་དོ།། དེ་ནས་འཛམ་བུའི་གླིང་ཡོངས་སུ་འཐོར་ཏེ། ལས
166b4 ཅན་གྱི་གང་ཟག། རྡོ་རྗེ་འཆང་གི་རིག་པ་འཛིན་པ་རྣམས་ལ། ཐུགས་རྗེ་རང་བྱུང་དུ་འགྲོ་བའི་དོན་བྱོན་པ། རིན་པོ་ཆེ་མན་ཤེལ་དྲི་མ་དང་བྲལ་བ་འདི་བསྟན་པའི་ཚེ། དོན་དམ་ཆོས་སྐུ་མ་ཡིན་ཏེ། དཔེ་འདི་ཅི་འདྲ།
166b5 བ་བཞིན་ཤེས་པར་གྱིས་ཤིག། ཤེལ་འདི་ལ་ཕྱི་ནང་མེད་པ་བཞིན།། ཆོས་སྐུ་ལ་ཕྱི་ནང་མེད་པར་ཤེས་པར་གྱིས་ཤིག། འདི་ལ་མདུན་རྒྱབ་མེད་པ་བཞིན་དུ། ཆོས་ཀྱི་སྐུ་ལ་མདུན་རྒྱབ་མེད་པར་གྱིས་ཤིག། འདི་ལ
166b6 ང་འོག་མེད་པ་བཞིན། ཆོས་ཀྱི་སྐུ་ལ་སྟེང་འོག་མེད་པར་ཤེས་པར་གྱིས་ཤིག། འདི་ལ་མཚན་ཉིད་ལྔ་ལྡན་དུ་གསལ་བ་བཞིན་དུ། ཆོས་ཀྱི་སྐུ་ལ་མཚན་ཉིད་ལྔ་ལྡན་དུ་ཤེས་པར་གྱིས་ཤིག། ཀྱེ་གསང་བའི་བདག
iiif viewer powered by OpenSeadragon
