| e-texts navigator |
| Wylie |
165b1 བདག་པོ། ལེགས་པར་ཉོན་ཅིག། ངས་བཤད་དོ།། འཁོར་བར་འཁྱམས་པའི་སེམས་ཅན་གྱི། འཁྲུལ་པའི་ལམ་གྱིས་དུས་ཉིད་ན།། རྩལ་སྣང་སྒོ་ལྔ་འོད་དུ་མཐོང་།། མཐོང་བས་བག་ཆགས་རབ་ཏུ་སྐྱེས།། དེ་ནས
165b2 འདོད་ཆགས་ཞེས་སུ་འཁྲུལ། རིག་པ་བཞི་ལ་ལྷན་གྱིས་སོང་།། རང་སྣང་མཚན་ཉིད་མ་ཤེས་པས།། དེ་ལ་ཞེ་སྡང་རབ་ཏུ་སྐྱེས།། དེས་ན་ཞེ་སྡང་ཞེས་སུ་འཁྲུལ།། གཉིས་སུ་མེད་པར་མ་ཤེས་པས།། དེས་ན་གཏི་མུག།
165b3 ཅེས་སུ་འཁྲུལ།། དེ་ལ་ང་དང་ངའོ་སྙམ་པའི་ཡུལ་དུ་བཟུང་། དེ་ནས་ང་རྒྱལ་ཞེས་སུ་འཁྲུལ།། ང་རྒྱལ་ཆ་ལས་ཁོང་ཁྲོ་བྱུང་།། འགྱུ་བའི་སྒོ་ལ་འདོད་ཆགས་བྱུང་།། མངལ་དུ་འགྲིམས་པས་མོ་རུ་འཁྲུལ།། གཏི་མུག་སྒོ
165b4 ལས་གཉིས་ཀར་བཟུང་།། མངལ་དུ་འགྲིམས་པས་མ་ནིང་འཁྲུལ།། ཕོ་མོ་མ་ནིང་དེ་ནས་བྱུང་། ཆགས་པ་སྐྱེས་པས་ཡི་དྭགས་དང་།། ཞེ་སྡང་ལས་ནི་དམྱལ་བ་དང་།། གཏི་མུག་ལས་ནི་བྱོལ་སོང་དང་། ཁོང་ཁྲོ་ཕྲག
165b5 དོག་ལྷ་མིན་ལྷ།། དུག་ལྔ་སྐྱེས་པས་འགྲོ་དྲུག་འཁྲུལ།། ཀྱེ་གསང་བའི་བདག་པོ། དུག་ལྔ་སྒོ་ལྔ་ལས་བྱུང་ངོ་།། སྒོ་ལྔ་སྣང་བ་མ་འགགས་པས། འོད་ལ་ཆགས་པས་གཟུགས་ཀྱི་ཕུང་པོར་འཁྲུལ།། ཉམས་སུ་མྱོང
165b6 བས་ཚོར་བའི་ཕུང་པོར་འཁྲུལ།། དཀར་དམར་ལྔ་རུ་ཕྱེ་བས་འདུ་ཤེས་འཁྲུལ།། མངལ་དུ་ཆུད་པས་འདུ་བྱེད་ཕུང་པོར་འཁྲུལ།། སྒོ་ལྔ་ཆགས་པས་རྣམ་ཤེས་ཕུང་པོར་འཁྲུལ།། དེ་ནས་མངལ་ནས་འགྲིམས་པའི
iiif viewer powered by OpenSeadragon
