| e-texts navigator |
| Wylie |
165a1 གིས་ཟ་བའི་སྡུག་བསྔལ་དང་། གསད་གཅོད་ཀྱི་སྡུག་བསྔལ་དང་། འཁོལ་སྤྱོད་ཀྱི་སྡུག་བསྔལ་ལོ།། ཉིང་ཤ་ཉིང་གིས་ཟ་བ་ནི། ཆེ་ཆེས་ཆུང་ཆུང་བསད་ནས་ཟ་བའོ།། བསད་གཅོད་ཀྱི་སྡུག་བསྔལ་ནི།།
165a2 མ་པས་ལྷག་པ་བྱས་པ་འོག་ཏུ་བཅུག་ནས་གསོད་པའོ།། འཁོལ་སྤྱོད་ཀྱི་སྡུག་བསྔལ་ནི། བསྐལ་པ་ཀོ་མཐིལ་ཙམ་གྱི་སྟེང་དུ། རེ་བ་བསྟད་ནས་ཁལ་བཞི་བཞི་ཙམ་འགེལ་བ་ལ་སོགས་པའོ།། རྒྱུན་རིང་བ་ནི་བར་གྱི
165a3 བསྐལ་པ་ཙམ་ཐུབ་བོ།། ངན་སོང་གསུམ་ནི། དུད་འགྲོ་སྟོང་འགྱུར་གྱིས་མང་ངོ་།། ཡི་དྭགས་དེ་བས་སྟོང་འགྱུར་གྱིས་མང་ངོ་།། དེ་བས་དམྱལ་བ་སྟོང་འགྱུར་གྱིས་མང་ངོ་།། ཀྱེ་གསང་བའི་བདག་པོ། དཔེར་ན
165a4 ཆུ་ཐམས་ཅད་ཐུར་ལ་འགྲོ་བས་མི་ལོག་པར། རྒྱ་མཚོ་ལ་མང་ལ། རི་རྩེ་ལ་ཉུང་བ་བཞིན་དུ། སེམས་ཀྱང་ཆུ་དང་འདྲའོ།། ཉོན་མོངས་ངན་སོང་ན་མང་བར་གྲུབ་པོ་ཞེས་གསུངས་སོ།། མན་ངག་སྙིང་གི་དགོངས་པ
165a5 རྒྱལ་བའི་བཀའི་རྒྱུད་ལས། རང་སྣང་ངོ་མ་ཤེས་པས། འཁོར་བ་ངན་སོང་དུ་འཁྱམ་པའི་ལེའུ་སྟེ་བརྒྱད་པའོ།། །། དེ་ནས་ཡང་གསང་བའི་བདག་པོས་ཞུས་པ། ཀྱེ་བཅོམ་ལྡན་འདས་མ་རིག་མུན་པས
165a6 བསྒྲིབས་ནས་སུ། རང་སྣང་བདུད་དུ་འགྱུར་བ་ཡིས།། ངན་སོང་གནས་སུ་འཁྲུལ་ལུགས་ཇི་ལྟར་ལགས། འཁྲུལ་པ་ཟློག་ན་ཅི་ལྟར་བཟློག། ཅེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། ཀྱེ་གསང་བའི
iiif viewer powered by OpenSeadragon
