| e-texts navigator |
| Wylie |
164b1 ཆད་བྱིངས་ཀྱིས་འགྲོ་བ་ལ་བརྒལ་བས། སྲིན་བུ་ལྕགས་ཀྱི་མཆུ་ཅན་གྱིས་རྐང་མྱལ་གྱིས་གཏོང་བའོ།། ནགས་ཚལ་རལ་གྲིའི་ལོ་མ་ནི། ཚད་པས་གདུངས་པ། ནག་ལིང་ངེ་འདུག་པ་ཅན་དུ་ཕྱིན་པས། ལོ་མ་ཐམས
164b2 ཅད་རལ་གྲིར་སོང་ནས། ལུས་ལ་འབབ་པའོ།། རྒྱུན་རིང་བ་ནི་བར་གྱི་བསྐལ་བ་རེ་རེ་ཐུབ་བོ།། ཡི་དྭགས་ལ་བཞི། ཕྱིའི་སྒྲིབ་པ་ཅན་དང་། ནང་གི་སྒྲིབ་པ་ཅན་དང་། སྒོ་ཁུང་ཅན་གྱི་སྒྲིབ་པ་ཅན་དང་། སྤྱི་མཐུན་གྱི
164b3 སྒྲིབ་པ་ཅན་ནོ།། ཕྱིའི་སྒྲིབ་པ་ཅན་ལ། བཟའ་བཏུང་ཐམས་ཅད་རྣག་ཁྲག་ཏུ་མཐོང་བའོ།། རང་གི་ནོར་ལ་སེར་སྣ་བྱས་པས་ལན་པ་ཡིན་ནོ།། ནང་གི་སྒྲིབ་པ་ཅན་ནི། ཁ་ཁབ་ཀྱི་མིག་ཙམ་ལ། སྐེ་གཞུ་རྒྱུད་ཙམ་ལ།
164b4 ལྟོ་བ་རི་རབ་ཙམ་ཡོད་པས། ལྟོ་མི་རྙེད་པའོ།། རྙེད་ཀྱང་མི་ཤོང་ངོ་།། བག་ཙམ་ཤོང་ཡང་ཕན་མི་ཐོགས་པའོ།། གཞན་གྱི་ནོར་ལ་སེར་སྣ་བྱས་པ་ལས་བྱུང་བ་ཡིན་ནོ།། སྒོ་ཁུད་ཀྱི་སྒྲིབ་པ་ཅན་ནི། ཁ་ཁབ་ཀྱི་མིག
164b5 ཙམ་ལ་ཟས་ཁར་འགྲོ་མི་འདོད། ལེན་རེ་སོང་བ་དེ་ཡང་ལྕགས་ཀྱི་ཐུ་ལུམ་དུ་སོང་ནས། མར་ལ་མ་ཐོན་གྱི་བར་དུ་ཁོང་དུ་སྲེག་པའོ།། དཀོན་མཆོག་གི་དཀོར་དང་གླུད་ལ་འབབ་པ་ལས་བྱུང་ངོ་།། སྤྱི་མཐུན་གྱི་སྒྲིབ
164b6 པ་ནི། ཟས་མཚོན་ཆ་ཐོགས་པས་བསྲུངས་ནས་ཟས་མི་སྟེར་བའོ།། སེར་སྣ་དང་ཕོངས་པ་བྱས་པ་ཙམ་ལས་བྱུང་བའོ།། རྒྱུན་རིང་བ་ནི་མིའི་ལོ་ལྔ་སྟོང་ཐུབ་པའོ།། དུད་འགྲོའི་སྡུག་བསྔལ་ལ་གསུམ་སྟེ། ཉིང་ཤ་ཉིད
iiif viewer powered by OpenSeadragon
