| e-texts navigator |
| Wylie |
164a1 ཉེན་ནས་སྐབས་སུ་ཨ་ཆུ་ཟེར་བ་ཙམ་ལས་མི་ཐོན་པའོ།། ཀྱི་ཧུད་ཟེར་བ་ལ་སྨྲེ་སྔགས་ཙུག་བྱ་བྱ་བ་ཙམ་ལས་མི་ཐོན་པའོ།། སོ་ཐམ་པ་ལ། སོ་མ་མགལ་ལ་ཟུག་ནས་སྐད་ཙམ་ཡང་མི་ཐོན་པའོ།། པདྨ
164a2 ལྟར་གས་པ་ལ་ཆུ་བུར་རྒྱ་གྲམ་དུ་གས་པའོ།། པདྨ་ལྟར་ཆེར་གས་པ་ལ། ཆུ་བུར་གས་པ་དེ་ཕྱིར་ཟློག་གིས་སོང་བའོ།། ཨུཏྤལ་ལྟར་གྱེས་པ་ལ། ཨུཏྤལ་དེ་རྩ་བ་ཕྲ་མོ་ལ་མེ་ཏོག་ཆེ་བ་དང་འདྲ་བར། ཐམས་ཅད་ཕར
164a3 ལ་གོགས་ནས་ཆུ་རྒྱུས་ཀྱིས་ཟུངས་ཕྲ་མོས་འབྲེལ་བའོ།། རྒྱུན་རིང་བ་ནི་ཏིལ་སྦྱངས་ཆེར་པོ་གང་ལ། ལོ་བརྒྱ་བརྒྱ་ལ་ཏིལ་རྡོག་མ་རེ་ཕྱུང་ལ་ཏིལ་ཟད་པའི་ཚེ་ན། ཆུ་བུར་ཅན་གྱི་ཚེ་ཟད་པའོ།། གཞན་མ་རྣམས་གོང
164a4 མ་གོང་མ་བས་འོག་མ་ཉིས་འགྱུར་གྱིས་ཚེ་རིང་བའོ།། ཉི་འཁོར་གྱི་དམྱལ་བ་ནི་ཤར་ཕྱོགས་ཀྱི་སྒོ་ནས་མེ་མར་མུར་གྱི་འོབས།། ལྷོ་ན་ཐལ་ཚན་གྱི་ཆུ་བོ་རབ་མེད། ནུབ་ན་རོ་མྱགས་ཀྱི་འདམ། བྱང་ན་རལ་གྲི་ལོ
164a5 མའི་ནགས་ཚལ་ལོ།། མེ་མར་མུའི་འོབས་ལ། ལྕགས་ཀྱི་ཁང་པ་དེ་སྒོ་ཚ་བ་སྙམ་སེམས་ནས་ཕྱིར་བྱུང་བས་སྒོ་ཐམས་ཅད་མེ་ཡིས་བསྐོར་ནས། ནང་གི་སྡུག་བསྔལ་བས་འདི་རུ་ཤི་ན་སྙམ་ནས། མེའི་འོབས་སུ
164a6 མཆོངས་པས། ལུས་ཐམས་ཅད་རུས་པར་ཀྲོལ་གྱིས་འགྲོའོ།། ཐལ་ཚན་གྱི་ཆུ་བོ་རབ་མེད་ནི། ཐལ་ཚན་གྱིས་སྐེད་པ་མན་ཆད་ཟུལ་གྱིས་འགྲོ་བ་ལ་རྒལ་བའོ།། རོ་མྱགས་ཀྱི་འདམ་ནི། འདམ་ཆེན་པོ་པུས་མོ་མན
iiif viewer powered by OpenSeadragon
