| e-texts navigator |
| Wylie |
163a1 མེའི་སྣང་བ་འཆར་རོ།། མེ་ཆེན་པོའི་ནང་དུ་མེས་ཞག་ལྔ་སྲེག་གོ། དེ་ནས་རླུང་གིས་ཐམས་ཅད་དུ་གྲང་ཞིང་གཡེང་བ་ལ་ཞག་ལྔ་ཡོང་ངོ་།། ལར་འཁྲུལ་པའི་བར་དོ་ལ་ཞག་ཉི་ཤུ་རྩ་ལྔ་ཡོང་ངོ་།། དེ
163a2 ནས་རྫོགས་ལྡན་མུན་པ་ནག་པོའི་རྒྱལ་ཁམས་ཉིན་མཚན་གྱི་སྣང་བ་མེད་པར། མུན་ནག་འཐིབ་པའི་ནང་ན་ཤིན་ཏུ་སྡུག་གོ། ཉི་མ་ནུབ་པས་ས་སྲོས་པ་ལྟ་བུའི་ནང་དུ་སྡུག་བསྔལ་ཏེ་ཞག་བདུན་འོང་ངོ་།། ལར་ཞག
163a3 ཉི་ཤུ་རྩ་ལྔ་འབྱུང་ངོ་།། རྫོགས་ལྡན་མུན་པ་ནག་པོའི་རྒྱལ་ཁམས་སུ་ཞག་བདུན་བསྡད་ནས། འཁོར་བ་ངན་སོང་གསུམ་དུ་འཁོར་ཏེ། འཇུག་ལྡོག་ཟོ་བའི་ཁྱུད་མོ་ལྟ་བུར་འཁོར་བར་འཁྱམ་མོ།། བར་དོའི་སྣང་བ
163a4 བསྟན་པའི་ལེའུ་སྟེ་བདུན་པའོ།། །། ཀྱེ་གསང་བའི་བདག་པོ། འགྲོ་བ་རིགས་དྲུག་ལམ་རྒྱུད་ལྔར་ལུས་ལེན་ཏེ། དེར་ལྷ་དང་ལྷ་མ་ཡིན་དང་། མི་དང་གསུམ། ངན་སོང་ནི་གསུམ་སྟེ། དམྱལ་བ་དང་།
163a5 ཡི་དྭགས་དང་། དུད་འགྲོ་དང་གསུམ་མོ། དམྱལ་བ་ལ་གསུམ་སྟེ། ཚ་བའི་དམྱལ་བ་བརྒྱད། གྲང་བའི་དམྱལ་བ་བརྒྱད། ཉི་ཚེ་ཉི་འཁོར་བའི་དམྱལ་བ་གཉིས་སྟེ་གསུམ་མོ།། ཚ་བའི་དམྱལ་བ་བརྒྱད་ལ། ཡང་སོས
163a6 དང་། ཐིག་ནག་དང་། བསྡུས་འཇོམས་དང་། ངུ་འབོད་དང་། ངུ་འབོད་ཆེན་པོ་དང་། ཚ་བ་དང་། རབ་ཏུ་ཚ་བ་དང་། མནར་མེད་པའོ།། སྡུག་བསྔལ་ལ་བཟོད་པའི་གླགས་མེད་པ་ལ་ཡུན་རིང་པོའོ།། ཡང་སོས་ལ།
iiif viewer powered by OpenSeadragon
