| e-texts navigator |
| Wylie |
162a1 མིག་ཏུ་བཟློག་པ། སྐྲ་སྤྱི་བོར་བཅིངས་པ། གསུས་པ་ཆེ་ལ་རྐེ་རྩ་ཕྲ་བ། ལག་ན་ཁྲམ་ཤིང་ཐོགས་པས་ཁ་ནས་རྒྱོབ་སོད་ཀྱི་སྒྲ་སྒྲོགས་པ། ཀླད་པ་ལྡག་པ། ཁྲག་འཐུང་བ། ཆུ་སེར་འཇིབ་པ། རུས་པ
162a2 མུར་བ། མགོ་ལུས་འབྲལ་བ། སྙིང་འདོན་པ་དང་། དེ་ལྟ་བུས་འཇིག་རྟེན་གྱི་ཁམས་ཁེངས་ཡོང་ངོ་།། དེའི་ཚེ་ལྷན་ཅིག་སྐྱེས་པའི་འདྲེས་སྡིག་པ་བྱས་ཚད་བསགས་ནས་རྡེའུ་ནག་པོ་བགྲང་དུ་སོང་ངོ་།། ལྷན་ཅིག
162a3 སྐྱེས་པའི་ལྷས་དགེ་བ་བྱས་ཚད་བསགས་ནས་རྡེའུ་དཀར་པོ་བགྲང་ངོ་།། དེའི་དུས་སུ་རང་ཤིན་ཏུ་བྲེད་པ། དངངས་པ། སྐྲག་པ་འདར་བ་བྱས་ནས། ངས་སྡིག་པའི་རྣམ་སྨིན་ལར་མ་བྱས་ཟེར་ནས་བརྫུན་ཟེར་དུ
162a4 འོང་ངོ་།། དེར་གཤིན་རྗེ་ཆོས་ཀྱི་རྒྱལ་པོ་ན་རེ། ངས་ལས་ཀྱི་མེ་ལོང་ལ་དྲི་ཡིས་ཟེར་ནས། ལས་ཀྱི་མེ་ལོང་བསྟན་པས། དགེ་སྡིགས་ཐམས་ཅད་མེ་ལོང་ནང་ནས་བཀྲ་ལམ་མེ་གསལ་བར་བྱུང་བས། གཤིན་རྗེའི་རྐེ
162a5 ལ་ཐགས་པ་བཏགས་ནས་དྲུད་དོ།། རྐེ་འབྲེག་སྙིང་འདོན། རྒྱུ་མ་གཟེང་། ཀླད་པ་ལྡག། ཤ་ཟ། ཁྲག་འཐུང་། རུས་པ་མུར་ཀྱང་། ཞག་འགར་འཆིར་མི་འདོད་དོ།། ལུས་དུམ་བུར་གཏུབས་ཀྱང་ཡང་སོས་སོ།། ཡང
162a6 གཏུབས་པས་ཤིན་ཏུ་སྡུག་བསྔལ་ཆེ་བ་ཞག་ལྔ་ཡང་ངོ་།། དེ་ནས་སྲིད་པའི་བར་དོ་ལ་དབང་པོ་ཚང་བ། ཤེས་པ་ད་ལྟ་བས་བདུན་འགྱུར་གྱིས་གསལ་བ། ཕར་ཐམས་ཅད་གསལ་བ། ཚུར་རང་གི་རིགས་མིན་པས་མི
iiif viewer powered by OpenSeadragon
