| e-texts navigator |
| Wylie |
161b1 བ་ནས་སེང་གེ་རབ་བརྟན། གསང་བ་ནས་ཁ་འབར་མ། རྐང་མཐིལ་ནས་གླང་མགོ་ཅན་འཆར་རོ།། ཐབས་ཤེས་རབ་འདུ་འབྲལ་མེད་པ་ལས། ཀུན་བཟང་ཡབ་ཡུམ་དུ་འཆར་རོ།། ལོངས་སྐུ་བཞི་བཅུ་རྩ་གཉིས།།
161b2 རང་གི་ལུས་ལས་འཆར་རོ།། ཀྱེ་གསང་བའི་བདག་པོ། དེ་རང་གི་སྐུ་དང་ཡེ་ཤེས་སུ་ངོ་ཤེས་པར་གྱིས་ཤིག། བར་དོར་ཞི་བའི་སྐུ་འཆར་ལུགས་བསྟན་པའི་ལེའུ་སྟེ་ལྔ་པའོ།། །། ཞི་བའི་སྐུ་དང་ཁྲོ་བོའི་སྐུ་ཆེ
161b3 བ་ནམ་མཁའི་མཐའ་དང་མཉམ་པ། འབྲིང་པོ་རི་རབ་ཙམ་ནས། ཐ་མ་ཉུང་འབྲུ་ཙམ་གྱིས་ཁེངས་ནས་འཆར་རོ།། ཞག་ལྔ་པར་སྣང་སྲིད་གསུམ་ཐམས་ཅད་འོད་དང་སྐུ་རུ་འཆར་རོ།། སྣང་བ་ཐམས་ཅད་འོད་དང
161b4 སྐུར་ཤར་བ་དེ། རང་གི་རིག་པའི་གདངས་སུ་ངོ་ཤེས་པས། རང་འོད་ལ་གཉིས་སུ་མེད་པར་ཐིམ་ནས་རྒྱའོ།། རིགས་ཀྱི་བུ་ད་ལྟར་ངོ་མ་སྤྲད་ན། ཞི་བའི་སྐུ་མགོན་པོ་ནག་པོར་འཆར་རོ།། ཁྲོ་བོའི་ལྷ་གཤིན་རྗེ་ཆོས་ཀྱི
161b5 རྒྱལ་པོར་ཤར་ནས། རང་སྣང་བདུད་དུ་སོང་ནས་འཁོར་བར་འཁྱམ་མོ།། ཀྱེ་གསང་བའི་བདག་པོ། རང་སྣང་ངོ་མ་ཤེས་ན་བསྐལ་པར་ཆོས་བྱས་ཀྱང་སངས་མི་རྒྱའོ།། རང་སྣང་ངོ་མ་ཤེས་ན་ཤི་མ་ཐག་ཏུ་ཆོས་ཉིད
161b6 ཀྱི་བར་དོར། གཤིན་རྗེ་ཆོས་ཀྱི་རྒྱལ་པོའི་སྐུར་འཆར་རོ།། གཤིན་རྗེ་ཆོས་ཀྱི་རྒྱལ་པོ་སྐུ་ཆེ་བ་ནམ་མཁའ་དང་མཉམ་པ། འབྲིང་པོ་རི་རབ་ཙམ་པ། ཐ་མ་ཉུང་འབྲུ་ཙམ་པས། ཡ་སོས་མ་མཆུ་མནན་པ། མིག་ཤེལ
iiif viewer powered by OpenSeadragon
