| e-texts navigator |
| Wylie |
161a1 རྟའི་གདན་ལ་བཞུགས་པ། ཡུམ་མཱ་མ་ཀཱི་དང་ཞལ་སྦྱར་ནས་བཞུགས་པ། སེམས་དཔའ་ནམ་མཁའི་སྙིང་པོ་དང་། ཀུན་ཏུ་བཟང་པོ་གཉིས། སེམས་མ་གིརྟི་མ་དང་། ནིརྟི་མ་གཉིས་ཀྱིས་བསྐོར་ནས།
161a2 སངས་རྒྱས་ཀྱི་སྐུ་དྲུག་འཆར་རོ།། འབྱུང་བ་མེ་ཐམས་ཅད་ཁ་དོག་དམར་པོར་འཆར་རོ།། འོད་དམར་པོ་སྐུ་སྣང་བ་མཐའ་ཡས་སྐུ་མདོག་དམར་པོ། ཕྱག་ན་པདྨ་འདབ་བརྒྱད་བསྣམས་པ། རྨ་བྱའི་གདན་ལ་བཞུགས
161a3 སོ།། ཡུམ་གོས་དཀར་མོ་དང་ཞལ་སྦྱར་ནས་ཡོད་དོ།། སེམས་དཔའ་སྤྱན་རས་གཟིགས་དང་། འཇམ་དཔལ་གཉིས། སེམས་མ་དྷ་པེ་མ་དང་། པུཥྤེ་མ་གཉིས་ཀྱིས་བསྐོར་ནས་སྐུ་དྲུག་ཏུ་འཆར་རོ།། འབྱུང་བ
161a4 རླུང་ཐམས་ཅད་འོད་ལྗང་གུར་འཆར་རོ།། འོད་ལྗང་གུར་དོན་ཡོད་གྲུབ་པ་སྐུ་མདོག་ལྗང་གུ།། ཕྱག་ན་རྡོ་རྗེ་རྒྱ་གྲམ་བསྣམས་པ། ཤང་ཤང་གི་གདན་ལ་བཞུགས་པ། ཡུམ་དམ་ཚིག་སྒྲོལ་མ་དང་། སེམས་དཔའ་ཕྱག
161a5 ན་རྡོ་རྗེ་དང་། སྒྲིབ་པ་རྣམ་པར་སེལ་བ་གཉིས། སེམས་མ་ཨཱ་ལོ་ཀེ་དང་། གན་དྷེ་མ་གཉིས་ཀྱིས་བསྐོར་ནས། སངས་རྒྱས་ཀྱི་ས་སྐུ་དྲུག་འཆར་རོ།། ཚད་མེད་པ་བཞི་སྒོ་བ་བཞིར་ཡང་འཆར་རོ།། རྣམ་རྒྱལ་ཤར།
161a6 གཤིན་རྗེ་གཤེད་ལྷོ། ལྕགས་སྒྲོག་མ་ནུབ། དྲིལ་བུ་མ་བྱང་ནས་འཆར་རོ།། ཕར་ཕྱིན་དྲུག་ལས། ཐུབ་པ་དྲུག་ཏུ་འཆར་རོ།། སྤྱི་གཙུག་ནས་བརྒྱ་བྱིན། ལྷག་པ་ནས་ཐགས་བཟང་རིས། སྲོག་པ་རྩ་ནས་ཤཱཀྱ་ཐུབ། ལྟེ
iiif viewer powered by OpenSeadragon
