| e-texts navigator |
| Wylie |
160b1 ལྷ་ཐམས་ཅད་གཤིན་རྗེ་རུ་མཐོང་ནས་ཁྲག་འཐུང་གི་ལྷས་འཇིགས་སོ།། དངངས་སོ།། སྐྲག་གོ། བརྒྱལ་ལོ། རང་སྣང་བདུད་དུ་སོང་ནས་འཁོར་བར་འཁྱམ་མོ།། ཁྲོ་བོའི་སྐུ་བར་དོར་འཆར་ལུགས་བསྟན་པའི་ལེའུ་སྟེ
160b2 བཞི་པའོ།། ། ཀྱེ་གསང་བའི་བདག་པོ། རང་སྣང་གི་སྐུ་དང་། ཡེ་ཤེས་ཀྱི་ཞིང་ཁམས་ངོ་ཤེས་པར་གྱིས་ཤིག། ཀྱེ་རྡོ་རྗེ་འཛིན་པ་ཆེན་པོ། རང་ནམ་འཆི་བའི་ཚེ་འཁོར་བའི་རུ་ལོག་སྣང་བ་ཐམས
160b3 ཅད་འོད་དང་སྐུ་རུ་འཆར་རོ།། ནམ་མཁའ་མཐའ་དག་འོད་ཁ་དོག་མཐིང་ཀར་འཆར་རོ།། མཐིང་གའི་དབུས་སུ་རྣམ་པར་སྣང་མཛད་ཀུན་ཏུ་ཞལ་སྐུ་མདོག་མཐིང་ག། སེང་གེའི་གདན་ལ་བཞུགས་པ། ཕྱག་ན
160b4 འཁོར་ལོ་རྩིབས་བརྒྱད་བསྣམས་པ། ཡུམ་ནམ་མཁའི་དབྱིངས་ཕྱུག་མ་དང་ཀུན་ཏུ་ཞལ་སྦྱར་ནས་སྐུར་འཆར་རོ།། འབྱུང་བ་ས་ཐམས་ཅད་ཁ་དོག་དཀར་པོར་འཆར་རོ།། འོད་དཀར་པོ་རྡོ་རྗེ་སེམས་དཔའ་སྐུ་མདོག
160b5 དཀར་པོ། ཕྱག་ན་རྡོ་རྗེ་རྩེ་ལྔ་པ་བསྣམས་པ། གླང་པོ་ཆེའི་གདན་ལ་བཞུགས་པ། ཡུམ་སངས་རྒྱས་སྤྱན་དང་ཞལ་སྦྱར་ནས་བཞུགས་པ། སེམས་དཔའ་སའི་སྙིང་པོ་དང་། བྱམས་པ་མེ་ཏྲི་གཉིས། སེམས་མ་ལཱ་སྱེ་མ
160b6 དང་མཱ་ལེ་མ་གཉིས་ཀྱིས་བསྐོར་ནས། སངས་རྒྱས་ཀྱི་སྐུ་དྲུག་འཆར་རོ།། འབྱུང་བ་ཆུ་ཐམས་ཅད་འོད་ཁ་དོག་སེར་པོར་འཆར་རོ།། འོད་སེར་པོ་རིན་ཆེན་འབྱུང་ལྡན་སེར་པོ། ཕྱག་ན་ནོར་བུ་རིན་པོ་ཆེ་བསྣམས་པ།
iiif viewer powered by OpenSeadragon
