| e-texts navigator |
| Wylie |
159a1 བྷནྡ་དམར་གྱིས་བཀང་བ་འཆར་རོ།། དུང་ཁང་གི་བྱང་ན་བེ་ཏ་ལི་ནག་མོ། གཡས་པ་སྡིགས་མཛུབས་ཀྱི་རྩེ་ལ་རྡོ་རྗེ་རྩེ་ལྔ་པ་འཕྱར་ཞིང་གདེངས་ལ། གཡོན་པ་བྷནྡ་དམར་གྱིས་བཀང་བ་འཛིན་པ
159a2 འཆར་རོ།། དུང་ཁང་གི་ཤར་ལྷོ་མཚམས་ནས་པུཀྐ་དམར་སེར། ཕྱག་གཡས་གཡོན་གཉིས་ཀྱིས་རྒྱུ་ཞགས་འདྲེན་པ་འཆར་རོ།། དུང་ཁང་གི་ལྷོ་ནུབ་ནས་གྷསྨ་རཱི་སྐུ་མདོག་ལྗང་ནག་དུང་དམར་ཕྱག་གཉིས་ཀྱིས
159a3 བཟུང་ནས་འཐུང་བ་འཆར་རོ།། དུང་ཁང་གི་ནུབ་བྱང་མཚམས་ནས་ཙཎྜ་ལཱི་སེར་སྐྱ་ཕྱག་གཡས་པ་ཙིཏྟ་བསྣམས་པ། གཡོན་པ་ཞིང་ཆུང་བཟུང་བ་འཆར་རོ།། དུང་ཁང་གི་བྱང་ཤར་མཚམས་ན། སྨ་ཤ་ནཱི་མཐིང་ནག
159a4 ཞིང་མགོ་ལུས་ཕྲལ་ནས་སྟོབ་པ་དང་། གནས་ཀྱི་ཀོའུ་རཱི་མ་བརྒྱད་པོ་དེ། རང་གི་ཀླད་པ་དུང་ཁང་གི་ནང་ནས་རང་ལ་འཆར་རོ།། དེ་ལ་མ་འཇིགས་ཤིག་དེའི་ཕྱི་རིམ་ཀླད་པ་དུང་ཁང་གི་ཤར་ནས། སེདྷ་སེར་མོ་སེང
159a5 གེའི་མགོ་ཅན་ཕྱག་གཡས་གཡོན་ཐུགས་ཀར་བསྣོལ་བ་འཆར་རོ།། ལྷོ་ནས་བྱཱ་གྷི་མུ་ཁ་དམར་མོ་སྟག་གི་མགོ་ཅན། རྡོ་རྗེ་ཁུ་ཚུར་དཔུང་ཁར་བསྣོལ་བ། ནུབ་ནས་སྲི་ལ་མུ་ཁ་ཝའི་མགོ་ཅན། ཞིང་ཁོག་པ་དྲལ་ནས
159a6 རཀྟ་ལྡག་པ། བྱང་ན་ཤྲ་ན་མུ་ཁ་མཐིང་ནག་སྦྲང་མོའི་མགོ་ཅན། ཕྱག་གཡོན་གྱིས་ཞིང་བཟུང་ནས། གཡས་ཀྱིས་སྒྲོལ་བ། ཤར་ལྷོ་མཚམས་ནས་ཀྲི་ཏ་མུ་ཁ་དཀར་སེར་བྱ་རྒོད་ཀྱི་མགོ་ཅན། ཞིང་འཕྲག་ལ་བཀལ
iiif viewer powered by OpenSeadragon
