| e-texts navigator |
| Wylie |
158a1 སྒྲ་འོད་ཟེར་དང་གསུམ་མ་ཤེས་ན་འཁོར་བར་འཁྱམ་མོ།། ཀྱེ་གསང་བའི་བདག་པོ། བཅོམ་ལྡན་འདས་དཔལ་ཆེན་པོ་ཤྲཱི་བུདྡྷ་ཧེ་རུ་ཀ། སྐུ་མདོག་སྤུག་ནག་དབུ་གསུམ་པ། ཕྱག་དྲུག་པ། ཞབས་བཞི
158a2 པ། ཞལ་གཡས་དཀར་བ། ཞལ་གཡོན་དམར་བ། དབུས་མཐིང་ནག་ལ་སྐུ་འོད་ཀྱི་ཕུང་པོར་འབར་བ། སྤྱན་དགུ་སྡང་མིག་ཏུ་གཟིགས་པ། སྨིན་མ་གློག་བཞིན་དུ་འགྱུ་བ། མཆེ་བ་ཟང་ཡག་འབར་བ། ཨ་ཨ་དང་ཧ
158a3 ཧའི་རྟ་སྐད་ཅན། སྤྲུག་པའི་སྒྲ་ཆེན་པོ་སྒྲོགས་པ། དབུ་སྐྲ་དམར་སེར་གྱེན་དུ་འཁྱིལ་ཞིང་འཕྲོ་བ། ཉི་ཟླ་དང་ཐོད་སྐམ་གྱིས་བརྒྱན་པ། གླང་ཆེན་གྱི་ཀོ་རློན་དང་། ཞིང་ཆེན་གྱི་གཡང་གཞི་དང་། སྟག་གི་ཤམ་ཐབས
158a4 གསོལ་བ། ཐལ་ཆེན་གྱིས་ཚོམ་བུ་དང་། རཀྟའི་ཐིག་ལེ་དང་། བ་སུ་ཏའི་རྒྱུ་ཞགས་དང་། སྦྲུལ་ནག་དང་ཐོད་པ་སྐམ་རློན་གྱིས་བརྒྱན་པ། ཕྱག་གཡས་ཀྱི་དང་པོ་ན་རྡོ་རྗེ་འཛིན་པ། བར་པ་ན་རལ་གྲི། ཐ་མ་ན་དགྲ
158a5 སྟསྟེ། གཡོན་གྱི་དང་པོ་ན་དྲིལ་བུ། བར་པ་ན་བྷནྡ་དམར་གྱིས་བཀང་བ། ཐ་མ་ཐོང་གཤོལ་བསྣམས་པ། རྐན་སྒྲ་དང་ཐུག་ཆོམ་དང་། འུར་སྒྲ་འབྲུག་སྟོང་ལྡིར་བ། རྡོ་རྗེ་འབར་བའི་སྤུ་གསེབ་ནས་ཡེ་ཤེས་ཀྱི་མེ་འབར
158a6 བ། ཁྱུང་གིས་འདེགས་པའི་གདན་ལ། བརྐྱང་བསྐུམ་དུ་བཞུགས་པ་ཡབ་ཡུམ་ཞལ་སྦྱོར་ནས་རང་གི་ཀླད་པ་དུང་ཁང་གི་གཞལ་ཡས་ཁང་ནས་འཐོན་ནས་རང་ལ་འཆར་རོ།། དེ་ལ་མ་འཇིགས་ཤིག། མ་དངངས
iiif viewer powered by OpenSeadragon
