| e-texts navigator |
| Wylie |
157b1 རེས་ཤི་ནས་འདིར་མི་ཡོང་བར་མི་སྡོད་པར་འགྲོའོ།། སང་ནང་པར་མི་ཤི་བའི་དཔེ་མེད་པས་མགྱོགས་པར་འགྲོའོ།། ཆ་མེད་ཀྱི་ཡུལ་དུ་འགྲོ་བས་ལམ་རྒྱུས་མེད་པར་འགྲོའོ།། ད་ད་ཙུག་བྱེད་ན་སྙམས་ནས་སྙིང
157b2 མི་དགའོ།། གཤིན་རྗེའི་སྐུངས་སར་འགྲོ་བས་འཇིགས་པ་ཆེའོ།། སྐྱེལ་མ་མི་རྙེད་པས་མགོན་སྐྱབས་མེད་དོ།། རང་དགེ་སྡིག་གཉིས་ལས་མི་ཤོང་བས་འཕྲང་དོག་གོ། ལམ་དེ་ལ་ཐམས་ཅད་མི་འགྲོ་མི་སྲིད་པས
157b3 བཟུར་ས་མེད་དོ།། ཀྱེ་གསང་བའི་བདག་པོ། རང་གི་སེམས་གློ་བ་ནས་འཐོན་ནས། དབུགས་སྣ་སྒོར་ཆད་པའི་ཚེ། ཆོས་ཉིད་དག་པའི་སྣང་བ་ཕྲ་ལ་དངས་པ། གསལ་ལ་འཚེར་བ། རང་བཞིན་བཀྲག་པ། མཛེས
157b4 པའི་འོད་ཟེར་ཕྱོགས་བཅུར་འཕྲོ་བ། ཉམ་ང་བ་སོས་ཁའི་ཟང་ལ། སྨིག་རྒྱུ་རྒྱུ་བ་བཞིན་དུ་མེ་རེ་རེ། རང་སྣང་འོད་དང་སྐུ་རུ་འཆར་རོ།། དེ་ལ་མ་འཇིགས་ཤིག། འོད་ཀྱི་ནང་ཐམས་ཅད་ནས་ཆོས་ཉིད་ཀྱི་རང་སྒྲ
157b5 འབྲུག་སྟོང་ལྡིར་བ་ཙམ། སྒྲ་གྲག་ལ་ལྡིར་ཆེ་བ། དི་རི་རི་བ་ཡོང་ངོ་།། དེ་ལ་མ་དངངས་ཤིག། འོད་ལས་ཟེར་མཚོན་ཆའི་ཆར་པ་འབབས་པ་འདྲ་བ། མཚོན་ཆ་སྣ་ཚོགས་སུ་ཟིང་ཟིང་བ་ཡོང་ངོ་།། དེ་ལ་མ་སྐྲག
157b6 ཅིག། ཀྱེ་གསང་བའི་བདག་པོ། ད་ལྟ་ངོ་མ་སྤྲད་ན། སྒོམ་སྒྲུབ་ཇི་ལྟར་བྱས་ཀྱང་། གདམས་པ་དང་མི་འཕྲད་པས། འོད་ཀྱིས་འཇིགས་སོ།། སྒྲས་དངངས་སོ།། ཟེར་གྱིས་སྐྲག་གོ། གདམས་པའི་གནད་མ་ཤེས་ན།།
iiif viewer powered by OpenSeadragon
