| e-texts navigator |
| Wylie |
156a1 ཞགས་པ་འཛིན་པ། གཡོན་པ་བྱ་རྒོད་ཀྱི་མཆེ་བ་བསྣམས་པ། ཕག་གདོང་ཞགས་པ་མ་དུང་ཁང་གི་ལྷོ་ན་བཞུགས་སོ།། སེང་གེའི་མགོ་ཅན་སྐུ་མདོག་དམར་མོ། ཕྱག་གཉིས་ལྕགས་སྒྲོག་བསྣམས
156a2 པས་དབང་དུ་སྡུད་པ། སེང་གདོང་ལྕགས་སྒྲོག་མ་དུང་ཁང་གི་ནུབ་ན་བཞུགས་སོ།། སྦྲུལ་གྱི་མགོ་ཅན་སྐུ་མདོག་ལྗང་གུ། ཕྱག་ན་དྲིལ་བུ་བསྣམས་པ། སྦྲུལ་མགོ་རྡོ་རྗེ་དྲིལ་བུ་མ་ཞེས་བྱ་བ་དང་། རང་གི་དུང་ཁང་གི
156a3 བྱང་ན་བཞུགས་སོ།། ཀྱེ་གསང་བའི་བདག་པོ་རང་རང་གི་ཀླད་ཕོར་དུང་ཁང་གི་ནང་ན། ཧེ་རུ་ཀ་དྲག་པོའི་ལྷ་རང་བྱུང་གི་ལྷ་སུམ་ཅུ་ཐམ་པའི་ཕྱི་རོལ་ན་ཀླད་རྒྱ་དང་གཉིས་ཀྱི་མཚམས་ན། དབང་ཕྱུག་མ་རྣམས
156a4 གནས་པ་ནི། སྲིན་མོ་སྨུག་ནག་ཕྱག་ན་རྡོ་རྗེ་ཐོད་ཁྲག་བསྣམས་པ་ཡོད་དོ།། ཚངས་པ་སེར་མོ་ལག་ན་པདྨ་ཐོགས་པ་དང་། ལྷ་ཆེན་དཀར་ལྡང་རྡོ་རྗེ་ཐོགས་པ་དང་། གཏོགས་འདོད་སྔོན་མོ་འཁོར་ལོ་འཛིན་པ་དང་།
156a5 དགའ་བ་མ་སེར་མོ་སྤུ་གྲི་ཐོགས་པ་དང་། གཞོན་ནུ་དམར་མོ་མདུང་ཐུང་འཕེན་པ་དང་། རྡོ་རྗེ་ནག་མོ་ལྕགས་ཀྱུ་བསྣམས་པ་དང་། མ་བདུན་ཤར་ན་བཞུགས་སོ།། བརྒྱ་བྱིན་དཀར་མོ་རྒྱུ་ཞགས་ཐོགས་པ་དང་། ཞི
156a6 བ་དམར་མོ་བུམ་པ་ཐོགས་པ་དང་། བདུད་རྩི་དམར་མོ་པདྨ་བསྣམས་པ་དང་། ཟླ་བ་དཀར་མོ་རྡོ་རྗེ་འཛིན་པ་དང་། བེ་ཅོན་ལྗང་ནག་དབྱུག་ཏོ་འཕྱར་བ་དང་། སྲིན་མོ་དམར་མོ་ཐོད་ཁྲག་འཐུང་བ་དང་། རྡོ་རྗེ་སེར
iiif viewer powered by OpenSeadragon
