| e-texts navigator |
| Wylie |
151b1 བ་འདི། དངོས་པོ་དང་མཚན་མ་ཅིའི་ངོ་བོར་ཡང་མ་གྲུབ་པར་སྟོང་སང་ངེ་འདུག་པ་འདི་ཀ་ཆོས་ཉིད་ཀུན་ཏུ་བཟང་མོ་ཡིན་ནོ།། རང་གི་རིག་པ་འདི་སྟོང་པ་བདོ་ཙ་ན་སྟོང་པ་བྱང་ཆད་དུ་མ་སོང་བར། རང་གི་ཤེས་པ
151b2 སང་ངེ་སལ་ལེ་བ་འདི་རིག་པ་ཀུན་ཏུ་བཟང་པོ་ཡིན་ནོ།། རང་གི་རིག་པའི་ངོ་བོ་སྟོང་པ་དང་། རང་གི་ཤེས་པ་ཝལ་ལེ་བ་དབྱེར་མེད་མི་ཕྱེད་པར་འདུག་པ་འདི། སངས་རྒྱས་ཆོས་ཀྱི་སྐུ་ཡིན་ནོ།། རིག་པ་མ་འགགས
151b3 པར་གསལ་བ་འདི་སངས་རྒྱས་སུ་ངོ་ཤེས་ནས་རང་རང་གིས་ལོངས་སྤྱོད་པ་དེ། ལོངས་སྤྱོད་རྫོགས་པའི་སྐུ་ཡིན་ནོ།། རང་གི་ཤེས་པ་སང་ངེ་སལ་ལེ་བ་འདི། སངས་རྒྱས་ཡིན་རང་གི་ཤེས་པ་རང་རང་སངས་རྒྱས
151b4 ཡིན་ནོ།། གཞན་ལ་བསྟན་པས་གཞན་སངས་རྒྱས་པ་དེ་ཐུགས་རྗེ་སྤྲུལ་པའི་སྐུ་ཡིན་ནོ།། ཀྱེ་གསང་བའི་བདག་པོ་རང་གི་རིག་པ་གསལ་ལེ་རིག་གེ་བ་འདི་གསལ་བའི་ངོས་ནས་མེ་ལོང་ལྟ་བུའི་ཡེ་ཤེས་ཡིན
151b5 ནོ།། རིག་པ་མཚམ་མེད་པ་སྟོང་པའི་ངོས་ནས་ཆོས་ཀྱི་དབྱིངས་ཀྱི་ཡེ་ཤེས་ཡིན་ནོ།། རང་གི་རིག་པ་གསལ་སྟོང་དབྱེར་མི་ཕྱེད་པའི་ངོས་ནས། མཉམ་པ་ཉིད་ཀྱི་ཡེ་ཤེས་ཡིན་ནོ།། རང་གི་རིག་པ་དེར་ཤེས་ཀྱི་ཤེས
151b6 རབ་མི་འགག་པའི་ངོས་ནས། སོ་སོར་རྟོགས་པའི་ཡེ་ཤེས་ཡིན་ནོ།། རང་གི་རིག་པ་ཐོགས་པ་མེད་པའི་ངོས་ནས། བྱ་བ་གྲུབ་པའི་ཡེ་ཤེས་ཡིན་ནོ། རང་གི་རིག་པ་སལ་ལེ་བ་འདི་སངས་རྒྱས་ཀྱི་སྐུ་ཡིན་ནོ།། རང་གི
iiif viewer powered by OpenSeadragon
