| e-texts navigator |
| Wylie |
150a1 སངས་རྒྱའོ།། ཞེས་གསུངས་སོ།། དེ་ནས་རྡོ་རྗེ་སེམས་དཔའི་ཞལ་ནས། སློབ་དཔོན་དགའ་རབ་རྡོ་རྗེ་ལ། རིགས་ཀྱི་བུ་ངས་འཇིག་རྟེན་གྱི་ཁམས་སུ་རང་ལོ་ཉི་ཤུ་རྩ་བཞིར་སྤྲུལ་པའི་སྐུ་རུ་བཞུགས
150a2 སོ།། སེམས་ཅན་གྱི་ལོ་སྟོང་བརྒྱད་བརྒྱ་ལོན་ནོ།། ཞེས་གསུངས་སོ།། ནམ་མཁའ་འོད་ཀྱིས་བཀང་ནས་ཕུང་པོ་ལྷག་མ་མེད་པར་སངས་རྒྱས་སོ།། དེ་དགའ་རབ་རྡོ་རྗེ་བརྒྱལ་ནས། ཀྱེ་ཀྱེ་ཀྱི་ཧུད་ཟེར་ནས་སྐད
150a3 ཕྱོགས་བཅུར་བོས་པས། དེ་བརྒྱལ་བ་སངས་ཙམ་ན་སངས་རྒྱས་རྡོ་རྗེ་སེམས་དཔའ་ཆོས་ཉིད་རང་སྣང་གི་ནམ་མཁའ་ལ་ཡེ་ཤེས་སྒྱུ་མ་ལྟ་བུའི་སྐུས་བྱོན་ནས། ཕྱག་གཡས་པའི་སོར་མོ་བརྐྱང་ནས། དྷརྨ་རཏྣ་སིདྡྷ་མ
150a4 ཡ། ཞེས་པའི་སྒྲ་བྱུང་ནས་རིན་པོ་ཆེ་གཡུའི་ཟ་མ་ཏོག་སེན་གང་བ་ཅིག་དབུའི་ཐོག་ཏུ་བབས་སོ།། དེ་ཁ་ཕྱེ་ནས་གཟིགས་པས་གསེར་གྱི་ཤོག་བུ་ལ་གཡུའི་ཡི་གེ་བྲིས་པ་གཅིག་འདུག་ནས། དེ་བལྟས་པས་སངས
150a5 རྒྱས་རྡོ་རྗེ་སེམས་དཔའི་ཞལ་ཆེམས་ཚིག་གསུམ་པ་ཞེས་བྱ་བ་ཕུང་པོ་ལྷག་མ་མེད་པར་སངས་རྒྱ་བ་འདི་འདུག་གོ། དེར་དགའ་རབ་རྡོ་རྗེས་བལྟས་པས། དགའ་རབ་རྡོ་རྗེ་ཕུང་པོ་ལྷག་མ་མེད་པར་སངས་རྒྱས
150a6 སོ།། བསྟན་པ་ཐམས་ཅད་ཀྱི་བུ་གཅིག་པུའི་རྒྱུད་ཀྱི་སྐུ་ལྔ་བཤད་པའི་ལེའུ་སྟེ་བདུན་པའོ།། །། རྫོགས་སོ།། དབང་པོ་རབ་རྟོགས་པའི་ཁྱད་པར་ཅན་ལ་སྐད་ཅིག་མ་གསུམ་མམ། ལྔ་ལ་སངས་རྒྱས་རྒྱལ། དང
iiif viewer powered by OpenSeadragon
