| e-texts navigator |
| Wylie |
149b1 པ་ཐམས་ཅད་ཀྱི་བུ་གཅིག་པུའི་རྒྱུད་ལས། མངོན་རྟགས་བསྟན་པའི་ལེའུ་སྟེ་དྲུག་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་།། སྐུ་ལྔའི་གནས་ལུགས
149b2 གསུང་དུ་གསོལ།། ཅེས་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོས་ཞུས་པ་ལེགས་སོ།། རང་གི་སྙིང་གི་དཀྱིལ་ན། དབུས་རྣམ་པར་སྣང་མཛད་སྐུ་མདོག་མཐིང་ག་ཡབ་ཡུམ
149b3 འཁོར་དང་བཅས་པ་བཞུགས་སོ།། རང་གི་སྙིང་གི་ནུབ་ན་སྣང་བ་མཐའ་ཡས་ཡབ་ཡུམ་འཁོར་དང་བཅས་པ་བཞུགས་སོ།། རང་གི་བྱང་ན་དོན་ཡོད་གྲུབ་པ་ཡབ་ཡུམ་འཁོར་དང་བཅས་པ་བཞུགས་སོ།། རང་གི་ཀླད
149b4 པའི་ནང་ན་སངས་རྒྱས་ཁྲོ་བོའི་སྐུས་ཁེངས་ནས་ཡོད་དོ།། རང་གི་རིག་པ་མ་འགགས་པར་གསལ་བ་འདི་ཆོས་སྐུ་ཡིན་ནོ།། སངས་རྒྱས་རྒྱལ་བ་རིགས་ལྔ་རང་གི་སྙིང་གི་ནང་ན་བཞུགས་པ་ལོངས་སྐུ་ཡིན་ནོ།། རང
149b5 གི་ཀླད་པའི་དུང་ཁང་དཀར་པོའི་ནང་ན་ཡོད་པ་དེ་སྤྲུལ་པའི་སྐུ་ཡིན་ནོ།། རང་གི་ཀླད་པའི་ནང་གི་དབུས་འོད་ཁ་དོག་ལྔ་ཡོད་དོ།། འོད་ལྔའི་ནང་ན་སངས་རྒྱས་ཀྱི་སྐུ་བཞུགས་སོ།། རང་གི་གཞུངས་པའི་ནང་ན
149b6 སངས་རྒྱས་ཀྱི་སྐུ་བཞུགས་སོ།། རང་གི་ལུས་རྩའི་དྲ་བར་ཡོད་དོ།། རྩའི་ནང་ན་སངས་རྒྱས་ཀྱི་གྲོང་ཁྱེར་ཡོད་དོ།། འོད་ལྔ་སངས་རྒྱས་ཀྱི་རང་ལུས་སུ་ཤེས་ན་སངས་རྒྱའོ།། ཁུག་པ་ལྔ་ཤེས་ན་དབུགས་མ་ཆད་པ་ལ
iiif viewer powered by OpenSeadragon
