| e-texts navigator |
| Wylie |
148b1 ལྗང་གུའོ།། དེ་བཞིན་དུ་རང་གི་སྙིང་གི་དཀྱིལ་ན་བཞུགས་སོ།། རང་འཆི་བའི་དུས་སུ་འོད་ལྔ་གསལ་ལ་འཚེར་བ། རང་བཞིན་གྱིས་བཀྲག་ལ་ཉམ་ང་བ། སོས་ཀའི་བྱང་ཟང་ཆེན་པོ་ལ། སྨིག་རྒྱུ་རྒྱུ་བ་བཞིན་མེར
148b2 མེར་འོང་ངོ་།། དེ་ལ་མ་འཇིགས་ཤིག། འོད་ཟེར་མཚོན་ཆའི་ཆར་པ་བབས་པ་འདྲ་བ་འོང་ངོ་།། དེ་ལ་མ་སྐྲག་ཅིག། འོད་ཀྱི་ནང་ཐམས་ཅད་ནས་ཆོས་ཉིད་རང་སྒྲ་འབྲུག་སྟོང་ལྡིར་བ་ལྟར་དྲག་ལ་ཆེ་བ་འོང་། དེ་ལ
148b3 མ་དངངས་ཤིག། དེ་གསུམ་ལ་མི་འཇིགས་མི་དངངས་མི་བྲེད་པ་དེ་ནི་སངས་རྒྱས་ཡིན་ནོ།། དེ་གསུམ་ལ་བྲེད་འཇིགས་སྐྲག་པ་དེ་ནི་རྫོགས་ལྡན་མུན་པ་ནག་པོའི་རྒྱལ་ཁམས་ཞེས་བྱ་བ། ཉིན་མོ་ཉི་མའི་སྣང་བ
148b4 མེད། ནུབ་མོ་ཟླ་བའི་སྣང་བ་མེད། ནང་ནུབ་མེའི་སྣང་བ་མེད་པ། རླུང་དང་ཆར་དང་མུན་པ་ནག་པོའི་གསེབ་ན། ཤིན་ཏུ་སྡུག་བསྔལ་ལ། འཁོར་བ་སྲིན་གྱི་ཁ་ཆུ་དང་འདྲ་བས་འཁོར་ཞིང་འཁྱམས་སོ།། དེས་ན
148b5 གདམས་པ་འདི་གནད་ཆེའོ།། འདི་མ་ཤེས་ན་ཕན་མེད་དོ།། ཞེས་གསུངས་སོ།། བསྟན་པ་ཐམས་ཅད་བུ་གཅིག་པུའི་རྒྱུད་ལས། སངས་རྒྱས་ཀྱི་བཞུགས་ཚུལ་བསྟན་པའི་ལེའུ་སྟེ་ལྔ་པའོ།། །། དེ་ནས་གསང
148b6 བའི་བདག་པོས་འདི་སྐད་ཅེས་ཞུས་སོ།། ཀྱེ་ཀྱེ་བཅོམ་ལྡན་རྡོ་རྗེ་འཆང་། སངས་རྒྱས་ཀྱི་མངོན་རྟགས་གསུམ་གསུང་དུ་གསོལ། ཅེས་ཞུས་སོ།། བཅོམ་ལྡན་འདས་ཀྱིས་བཀའ་སྩལ་པ། ཕྱག་ན་རྡོ་རྗེ་ཁྱོད་ཉོན
iiif viewer powered by OpenSeadragon
