| e-texts navigator |
| Wylie |
148a1 ལྔ་འཁོར་དང་བཅས་པ་ཐམས་ཅད་སེང་གེ་དང་། གླང་པོ་ཆེ་དང་། རྟ་དང་། རྨ་བྱ་དང་། ཤང་ཤང་གི་གདན་དང་། སྐུ་ཁ་དོག་ལྔ་དང་ལྡན་པ། ཕྱག་མཚན་རྡོ་རྗེ་རྩེ་ལྔ་བསྣམས་པ། ནོར་བུ་རིན་པོ་ཆེ
148a2 དང་། པདྨ་འདབ་མ་བརྒྱད་པ་དང་། རྡོ་རྗེ་རྒྱ་གྲམ་དང་། འཁོར་ལོ་རྩིབས་བརྒྱད་པ་རྣམས་བསྣམས་ནས། རིན་པོ་ཆེ་འོད་འབར་བའི་སྐུ་དང་། རང་གི་སྙིང་གི་ནང་ན་ད་ལྟ་བཞུགས་སོ།། རང་གི་ཀླད་པའི་ནང་ན།
148a3 སངས་རྒྱས་ཁྲོ་བོའི་སྐུ་བཛྲ་ཧེ་རུ་ཀ་དང་། བུདྡྷ་ཧེ་རུ་ཀ་དང་། རཏྣ་ཧེ་རུ་ཀ་དང་། པདྨ་ཧེ་རུ་ཀ་དང་། ཀརྨ་ཧེ་རུ་ཀ་དང་། ཁྲག་འཐུང་གི་ལྷ་ཚོགས་ཐམས་ཅད་མངོན་སུམ་དུ་བཞུགས་སོ།། ཀྱེ་གསང་བའི་བདག་པོ
148a4 རང་གི་ཀླད་པའི་ནང་ན་ཁྲག་འཐུང་གི་ལྷ་ཚོགས་སྣ་ཚོགས་གཅེར་གྲོལ་དུ་བཞུགས་སོ།། རང་གི་ལུས་འདི་ལ་སངས་རྒྱས་ཀྱི་གྲོང་ཁྱེར་ཉི་ཁྲི་དང་ཚིག་སྟོང་ཡོད་དོ།། གྲོང་ཁྱེར་དེ་དག་ཐམས་ཅད་ན་སངས་རྒྱས་ཀྱི
148a5 སྐུ་ཐམས་ཅད་ན་སངས་རྒྱས་ཀྱི་སྐུ་ཐམས་ཅད་ཀྱིས་ཁྱབ་ནས་ཡོད་དོ།། རང་གི་རྩའི་ནང་ཐམས་ཅད་བདེ་བར་གཤེགས་པའི་སྐུས་ཁེངས་ནས་ཡོད་དོ།། ཀྱེ་གསང་བའི་བདག་པོ་ལེགས་པར་ཉོན་ལ་ཡིད་ལ་ཟུང
148a6 ཞིག། གངས་སམ་གཡའ་ལས་བྱུང་བའི་མན་ཤེལ་དྲི་མ་མེད་པ་ཉི་མ་ལས་ཕྱར་བས། འོད་ཁ་དོག་ལྔ་ལྷག་པར་འཆར་རོ།། དེ་ཡང་འདི་ལྟ་སྟེ། ཁ་དོག་མཐིང་ག་དང་། དཀར་པོ་དང་། སེར་པོ་དང་། དམར་པོ་དང་།
iiif viewer powered by OpenSeadragon
