| e-texts navigator |
| Wylie |
138b1 འཇིགས་ཤིག། དེ་ངོ་ཤེས་པས་ཆོག་གོ། ཀྱེ་གསང་བའི་བདག་པོ་ལེགས་པར་ཟུང་ཞིག། རང་འཆི་ཁར་ཆོས་ཉིད་རང་སྣང་གི་ནམ་མཁའ་ལ། སངས་རྒྱས་ཀྱི་སྐུ་མངོན་སུམ་དུ་འཆར་རོ།། དེ་ངོ་ཤེས་པས་ཆོག
138b2 གོ། རང་གི་རིག་པ་འོད་ལྔ་དང་འདུ་འབྲལ་མེད་པར་འགྲོགས་པ་ཡིན་ནོ།། རང་གི་རང་འོད་ངོ་ཤེས་པས་སངས་རྒྱས་ཀྱི་སྐུ་ཐོབ་པ་ཡིན་ནོ།། རང་ལ་སངས་རྒྱས་རང་ཆས་སུ་ཡོད་པ་དེ། སྲིད་པའི་མེ་ལོང་ལ་བལྟས
138b3 པས། སངས་རྒྱས་རང་ལ་མངོན་སུམ་དུ་འཆར་བ་ཡིན་ནོ།། མ་ནུ་སེམས་ཅན་སརྦ་ཐམས་ཅད་བུདྡྷ་སངས་རྒྱས་ཛྙཱ་ན་ཡེ་ཤེས་ཀ་ཡ་སྭ་པཉྩ་ལྔའོ།། རིགས་ཀྱི་བུ་སངས་རྒྱས་རང་ལ་ཡོད་པས་གཞན་དུ་མ་ཚོལ་ཞིག། སངས་རྒྱས
138b4 འོད་ལྔའི་ལུས་བཞུགས་པས་གསལ་འགྲིབ་དང་བྲལ་ལོ།། སངས་རྒྱས་སྐུ་ལ་འགྱུར་བ་མེད་པས་སྐྱེ་འཆི་དང་བྲལ་ལོ་སངས་རྒྱས་ལ་འཆི་འཕོ་མེད་པར་སངས་རྒྱས་སངས་རྒྱས་སྡུག་བསྔལ་མེད་པར་ཡེ་ཤེས་ལྔར་ཡོད་པས་ཏེ། ཐམས་ཅད
138b5 རང་ངོ་ཤེས་པས་སངས་རྒྱས་པས་དཀའ་ཐུབ་དང་བྲལ་བའོ།། སངས་རྒྱས་འོད་ཀྱི་སྐུ་ལ་གསལ་ལ་རྟོག་པ་མེད་པས་སྣང་ལ་རང་བཞིན་མེད་པ། བདེ་བ་རྒྱུན་ཆ་མེད་པ་རང་གི་སྙིང་གི་དཀྱིལ་ན་བཞུགས
138b6 སོ།། བསྟན་པ་ཐམས་ཅད་ཀྱི་བུ་གཅིག་པུའི་རྒྱུད་ལས། སངས་རྒྱས་གསུམ་བསྟན་པའི་ལེའུ་སྟེ་གསུམ་པའོ།། །། ཨཱཌ་དཔངས་མཐོ་བ་བྱུང་སྤངས་པ་ཆེན་པོ་སྲ་མཐའ་རྣམ་པར་གྲོལ་བ་རྒ་ལས་ཀྱིས་མི་སྒྲིབ་པས་བདེ་བ
iiif viewer powered by OpenSeadragon
