| e-texts navigator |
| Wylie |
136b1 ཆོས་ཀྱི་སྐུ་མི་འགྱུར་བ། ཡེ་ཤེས་ཀྱི་སྙིང་པོར་ཤར་བར་ཡེ་ཤེས་ལྷང་ངེ་བ་བཞུགས་སོ།། འབྱུང་བ་འོད་དུ་འབྱུང་ཞིང་གསལ་བ་ཟེར་དུ་གསལ་ལོ།། དག་པའི་སྣང་བ་ལ་ཡེ་ཤེས་ཕྱོགས་བཅུར་ཤར་ནས། ནུབ་པ་མེད
136b2 པར་བཞུགས་སོ།། རང་གི་སྙིང་གི་དཀྱིལ་ན་ཆོས་སྐུ་ལ་མཚན་མའི་ཡུལ་མེད་པས། མཐའ་ལ་ཐུག་པ་མེད་པར་བཞུགས་སོ།། ཆོས་སྐུ་ལ་དྲི་མ་མེད་པས་རང་གི་རིག་པ་ལ་འགག་པ་མེད་དོ།། མ་འགགས་པར་སྣང
136b3 བ་ལ་ཐོགས་དྲུག་མེད་དོ།། རྡོ་རྗེ་འཛིན་པ་ཆེན་པོ་སངས་རྒྱས་ཀྱི་སྐུ་དེ་རང་གི་སྙིང་གི་དཀྱིལ་ན་ངོ་བོ་སྟོང་པར་བཞུགས་སོ།། ཡེ་ཤེས་གསལ་བར་བཞུགས་སོ།། ཁ་དོག་ཕྱེད་པར་བཞུགས་སོ།། གསལ་ལ་འཚེར་བར
136b4 བཞུགས་སོ།། འོད་དུ་འཕྲོ་བར་བཞུགས་སོ།། སྐུ་མི་གཡོ་བར་བཞུགས་སོ།། ཡེ་ནས་ཕྱོགས་དང་རིས་མེད་པར་སྐུ་དག་པ་ཆེན་པོར་བཞུགས་སོ།། རིགས་ཀྱི་བུ་ལེགས་པར་ཉོན་ལ་ཡིད་ལ་ཟུང་ཞིག། སངས་རྒྱས་ཀྱི
136b5 སྐུ་བརྟེན་པ་རང་གི་བྱང་ཁོག་གི་སྟོད་ལ་བརྟེན་ནོ།། བཞུགས་པ་རང་གི་སྙིང་གི་དཀྱིལ་ན་བཞུགས་སོ།། གསལ་བ་ནམ་མཁའི་ངཔལ་གསལ་ལོ།། དེ་ལྟར་རང་གི་སྙིང་གི་དཀྱིལ་ན་སངས་རྒྱས་མངོན་སུམ་དུ
136b6 བཞུགས་སོ།། དེ་ངོ་ཤེས་པས་སངས་རྒྱའོ།། རང་གི་ཀླད་པའི་ནང་ན་སངས་རྒྱས་ཁྲོ་བོའི་སྐུ་ཐམས་ཅད་མངོན་སུམ་དུ་བཞུགས་སོ།། རང་གི་ཀླད་པའི་ནང་ན་ཐམས་ཅད་འོད་ཀྱི་ཁ་དོག་ལྔས་ཁེངས་ནས་ཡོད
iiif viewer powered by OpenSeadragon
