| e-texts navigator |
| Wylie |
136a1 བུའི་དཀྱིལ་འཁོར་བཅས་པ་ཡིན་ནོ།། ཐིག་ལེའི་ཡུལ་བེ་ཏ་ལི་ཡིན་ནོ།། ཞེས་གསུངས་པས། གསང་བའི་བདག་པོས་ཡུལ་ཆོས་ཀྱི་དབྱིངས་སུ་རྟོགས་སོ།། མཚན་མར་སྣང་བ་ཐམས་ཅད་འོད་ཀྱི
136a2 དཀྱིལ་འཁོར་དུ་རྟོགས་སོ།། འོད་ལྔ་སངས་རྒྱས་ཀྱི་རང་ལུས་ཡིན་པར་རྟོགས་སོ།། རང་གི་རིག་པ་ཡེ་ཤེས་སུ་རྟོགས་སོ།། དེ་ནས་གསང་བའི་བདག་པོས་འདི་སྐད་ཅེས་ཞུས་སོ།། ཨེ་མ་ཧོ་སངས་རྒྱས་ཐུགས་རྗེ
136a3 ཅན། སངས་རྒྱས་ཀྱི་གནས་ལྔ་བསྟན་དུ་གསོལ། ཞེས་ཞུས་སོ།། དེ་ནས་བཅོམ་ལྡན་འདས་ཀྱིས་བཀའ་སྩལ་པ། གསང་བའི་བདག་པོ་སངས་རྒྱས་ཆོས་ཀྱི་སྐུ་རང་གི་སྙིང་གི་དཀྱིལ་ན་བཞུགས་སོ།། ཡེ་ཤེས
136a4 ཟང་ཐལ་གྱི་སྐུ་བྱད་ཀྱི་དཀྱིལ་ན་བཞུགས་སོ།། ལོངས་སྤྱོད་རྫོགས་པའི་སྐུ་རང་གི་ཀླད་པའི་དཀྱིལ་ན་བཞུགས་སོ།། ཐུགས་རྗེ་སྤྲུལ་པའི་སྐུ་རང་གི་གཞུངས་པའི་ནང་ན་བཞུགས་སོ།། ཐིག་ལེ་རང་བྱུང་གི་སྐུ་རང་གི
136a5 རྩ་ཐམས་ཅད་ཀྱི་ནང་ནས་ཞུགས་སོ།། ཀྱེ་རྡོ་རྗེ་འཛིན་པ་ཁྱོད་ཉོན་ཅིག། སངས་རྒྱས་སྐུ་ལྔ་ཡེ་ཤེས་ལྔ་རང་གི་སྙིང་གི་དཀྱིལ་ན་ཡེ་ནས་གནས་སོ།། སེམས་ཅན་ཐམས་ཅད་ལ་སངས་རྒྱས་ཀྱི་སྐུ་ཡེ་ནས་གནས
136a6 སོ།། རིག་པ་འོད་ལྔའི་ལུས་སུ་ཡེ་ནས་གནས་སོ།། གསང་བའི་བདག་པོ་ལེགས་པར་ཟུང་ཞིག། སེམས་ཅན་ཐམས་ཅད་ཀྱི་སྙིང་གི་དཀྱིལ་ན། ཡེ་ཤེས་ཀྱི་སྐུ་འོད་ཁྱིམ་གྱི་ཚུལ་དུ་སྣང་ངོ་།། རང་གི་སྙིང་གི་དཀྱིལ་ན
iiif viewer powered by OpenSeadragon
