| e-texts navigator |
| Wylie |
134a1 མེད་པར་དུས་གསུམ་མཉམ་པ་ཉིད་དུ་གསལ་བར་བཞུགས་པ་ཡིན་ནོ།། རིག་པ་ངོས་བཟུང་དང་བྲལ་བས་ཆོས་ཀྱི་སྐུའོ།། རིག་པ་ཤེས་རབ་ཀྱི་མཁྱེན་པ་མ་འགགས་པས་ལོངས་སྐུའོ།། རིག་པ་ཅིར
134a2 ཡང་འཆར་བས་སྤྲུལ་པའི་སྐུའོ།། རིག་པ་མིག་ནས་འཐོན་པས་ལོངས་སྐུ་ཁ་མིག་རྣ་བ་ཅན་གྱིས་སྣང་སྲིད་ཐམས་ཅད་ཁོངས་ནས་འཆར་རོ།། སངས་རྒྱས་ལོངས་སྐུ་དཔངས་སུ་ཁྲུ་བཅུ་དྲུག་པ་ཞེང་དུ་ཁྲུ་བརྒྱད་པ
134a3 འཆར་རོ།། དེ་ངོ་ཤེས་པས་སངས་རྒྱའོ།། མ་སངས་རྒྱས་རང་ཆས་ཀྱི་རྒྱུད་ལས། སྐུ་དང་ཡེ་ཤེས་ཀྱི་ལེའུ་སྟེ་ལྔ་པའོ།། །། དེ་ནས་ཡང་གསང་བའི་བདག་པོས་ཞུས་པ། ཨེ་མ་ཧོ། རྣམ་པར་གྲོལ་བའི་སངས་རྒྱས
134a4 འོད་ཀྱི་ཕུང་པོ། སངས་རྒྱས་ཀྱི་ཆོག་པ་གསུམ་གསུང་དུ་གསོལ། ཅེས་ཞུས་སོ།། སངས་རྒྱས་འོད་ཀྱི་ཕུང་པོ་ཆེན་པོས་བཀའ་སྩལ་པ། ཀྱེ་ཀྱེ་གསང་བའི་བདག་པོ། སངས་རྒྱས་ཀྱི་ཆོས་ཐམས་ཅད་འདས་པ་ཡིན
134a5 པས་སྒོམ་པ་དང་བཟླས་པ་དང་འབད་རྩོལ་ཐམས་ཅད་དང་བྲལ་ནས་རང་ངོ་ཤེས་པས་ཆོག་གོ། སངས་རྒྱས་ཀྱི་སྐུ་རྡུལ་དང་བྲལ་བས་ཅི་དགའ་བྱས་པས་ཆོག་གོ། རིག་པ་འོད་ཀྱི་ཕུང་པོར་བཞུགས་པས་ཡེ་ཤེས་སུ
134a6 འཆར་ཏེ་ཆོག་གོ། དེ་ནས་གསང་བའི་བདག་པོས་ཞུས་པ། སངས་རྒྱས་ཀྱི་འོང་བ་གསུམ་གསུང་དུ་གསོལ། ཅེས་ཞུས་སོ།། སངས་རྒྱས་ཀྱིས་བཀའ་སྩལ་པ། རང་འཆི་བའི་དུས་སུ་སངས་རྒྱས་ཀྱི་སུན་མ་གསུམ་འོང
iiif viewer powered by OpenSeadragon
