| e-texts navigator |
| Wylie |
133b1 བའི་ཚེ་རང་ངོ་ཤེས་པས་སངས་རྒྱ་བའོ།། རང་གི་རང་བཞིན་གྱིས་འོད་གསལ་ལ་དུས་རྟག་ཏུ་བལྟ་བའོ།། གྲོལ་བ་ལ་གསུམ་ཡིན་ནོ།། རིག་པ་སྦུབས་ནས་འཐོན་པས་ཕྱི་ནང་གི་ཆོས་ཐམས་ཅད་གྲོལ་ལོ།། རིག་པ
133b2 སེམས་དང་དྲལ་བས་གཟུང་འཛིན་གྱི་རྣམ་པར་རྟོག་པ་ལས་གྲོལ་ལོ།། རིག་པ་རང་ལུས་ཐོབ་ནས། རང་གི་ཡེ་ཤེས་རང་ས་འཛིན་ནས། མ་རིག་པ་རིག་པའི་ཡེ་ཤེས་སུ་གྲོལ་ལོ།། མཐར་ཕྱིན་པ་སངས་རྒྱས་ནས
133b3 སེམས་ཅན་དུ་མི་ལྡོག་པའོ།། སངས་རྒྱས་རང་ཆས་ཀྱི་རྒྱུད་ལས་གྲོལ་ཚུལ་བསྟན་པའི་ལེའུ་སྟེ་བཞི་པའོ།། །། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་པ། ཨེ་མ་ཧོ།། བདེ་གཤེགས་འོད་ཀྱི
133b4 ཕུང་པོ་ཆེན་པོ། སངས་རྒྱས་ཀྱི་མིན་པ་གསུམ་གསུང་དུ་གསོལ། ཅེས་ཞུས་སོ།། དེ་ནས་སངས་རྒྱས་འོད་ཀྱི་ཕུང་པོས་བཀའ་སྩལ་པ། གསང་བའི་བདག་པོ་བྱས་པའི་ཆོས་ཀྱི་མ་བྱས་པའི་སངས་རྒྱས་ཐོབ་པ་མིན
133b5 ནོ།། སངས་རྒྱས་འདུས་མ་བྱས་པ་ཡིན་པས་བྱས་པའི་ཆོས་ཀྱི་སངས་རྒྱས་ཐོབ་པ་མིན་ནོ།། དེ་ནས་གསང་བའི་བདག་པོས་ཞུས་པ། རྣམ་པར་གྲོལ་བའི་སངས་རྒྱས་འོད་ཀྱི་ཕུང་པོ། སངས་རྒྱས་ཀྱི་ཡིན་པ་གསུམ
133b6 གསུང་དུ་གསོལ། ཅེས་ཞུས་སོ།། རང་གི་རིག་པ་འོད་ཕུང་ཆེན་པོར་བཞུགས་པ་འདི་སངས་རྒྱས་ཀྱི་བརྡའོ།། སངས་རྒྱས་ཀྱི་སྐུ་ལ་སྐུ་དང་ཡེ་ཤེས་རྒྱུན་ཆད་མེད་པ་བཞུགས་པ་ཡིན་ནོ།། རང་གི་རིག་པ་ལ་སྐྱེ་འཆི
iiif viewer powered by OpenSeadragon
