| e-texts navigator |
| Wylie |
132b1 ཀུན་ཏུ་བཟང་པོའི་ངང་དུ་འཆི་བ་ལ་བཅད་དོ།། དེ་ནས་ཡང་གསང་བའི་བདག་པོས་འདི་སྐད་ཅེས་ཞུས་སོ།། ཀྱེ་སངས་རྒྱས་འོད་ཀྱི་ཕུང་པོ། གདམས་ངག་བྱས་པ་གཅིག་སངས་རྒྱས་པས། སངས་རྒྱས་པའི་དུས
132b2 ཀྱིས་དམར་ཐག་གར་གཅད་ཅེས་ཞུས་སོ།། དེ་ནས་སངས་རྒྱས་འོད་ཀྱི་ཕུང་པོས་བཀའ་སྩལ་པ། ཀྱེ་གསང་བའི་བདག་པོ། སངས་རྒྱ་བ་ལ་གཉིས་ཡིན་ནོ།། ཆོས་ཉིད་མ་དང་ཕྲད་པ་དང་། ཡེ་ཤེས་རང་ས་ཟིན
132b3 པའོ།། ཆོས་ཉིད་མ་དང་འཕྲད་པ་ནི། འཕྲུལ་སྣང་འགགས་ནས་དག་སྣང་འཆར་བ་ཡིན་ནོ།། ཡེ་ཤེས་རང་ས་ཟིན་པ་ནི། འོད་ལྔ་ངོ་ཤེས་པས་རང་གི་སྣང་བ་ལ་ཐིམ་ནས་སངས་རྒྱ་བས། བདག་སངས་རྒྱ་བའི་དུས
132b4 ཀྱིས་དམར་ཐག་ཆོས་ཉིད་མ་དང་འཕྲད་པའི་དུས་སུ་བཅད་དོ།། ཞེས་གསུངས་སོ།། མ་སངས་རྒྱས་རང་ཆས་ཀྱི་རྒྱུད་ལས། དམར་ཐག་གསུམ་བསྟན་པའི་ལེའུ་སྟེ་གཉིས་པའོ།། །། དེ་ནས་ཡང་གསང་བའི་བདག
132b5 པོས་འདི་སྐད་ཅེས་ཞུས་སོ།། ཀྱེ་སངས་རྒྱས་འོད་ཀྱི་ཕུང་པོ་ཆེན་པོས། སངས་རྒྱས་ཀྱི་མཚན་ལྔ་གསུང་དུ་གསོལ། ཅེས་ཞུས་སོ།། དེ་ནས་སངས་རྒྱས་འོད་ཀྱི་ཕུང་པོས་བཀའ་སྩལ་པ། ཀྱེ་གསང་བའི་བདག་པོ་ཁྱོད
132b6 ཉོན་ཅིག། སངས་རྒྱས་ཀྱི་མཚན་རྣམ་པ་ལྔ་ནི། ཡང་དག་པར་རྫོགས་པའི་སངས་རྒྱས་ཉག་གཅིག་དང་། ཐོག་མའི་སངས་རྒྱས་འོད་མི་འགྱུར་བ་དང་། རིག་པ་ཀུན་ཏུ་བཟང་པོ་དང་། སངས་རྒྱས་གཞོན་ནུ་བུམ་པའི
iiif viewer powered by OpenSeadragon
